న్యూజిలాండ్‌తో(New Zealand) జరిగిన టీ20 సిరీస్‌ను 3-2తో కైవసం చేసుకున్న టీమిండియా(Team India).. ఇప్పుడు వన్డే సమరానికి(ODI Battle) సిద్ధమైంది. ఇరు జట్ల మధ్య ఐదు మ్యాచ్‌ల వన్డే సిరీస్ రేపటి నుంచి ప్రారంభం కానుంది. తొలి వన్డేకు ఆక్లాండ్‌లోని(Auckland) ఈడెన్ పార్క్ మైదానం ఆతిథ్యమివ్వనుంది. అయితే ఈ మైదానంలో భారత్‌కు గత రికార్డు అంతగా అనుకూలంగా లేదు. ఇప్పటివరకు ఇక్కడ ఆడిన 11 వన్డేల్లో నాలుగు విజయాలు సాధించగా, ఆరు మ్యాచ్‌ల్లో ఓటమిపాలైంది. మరో మ్యాచ్ టైగా ముగిసింది. ఈ సిరీస్‌లో తొలి మూడు వన్డేలకు శుభ్‌మన్ గిల్ (Shubman Gill) కెప్టెన్‌గా వ్యవహరించనుండగా, చివరి రెండు మ్యాచ్‌లకు శ్రేయస్ అయ్యర్(Shreyas Iyer) నాయకత్వం వహించనున్నాడు.
మరోవైపు స్టార్ క్రికెటర్లు రోహిత్ శర్మ(Rohit Sharma), విరాట్ కోహ్లీ(Virat Kohli) వన్డే జట్టులోకి తిరిగి రావడంతో భారత జట్టు మరింత బలోపేతమైంది. ముఖ్యంగా రోహిత్ శర్మ వ్యక్తిగత రికార్డులపై అభిమానుల్లో ఆసక్తి నెలకొంది. న్యూజిలాండ్ గడ్డపై సెంచరీ సాధిస్తే అరుదైన ఘనతను అందుకునే అవకాశం ఉండటంతో పాటు, అంతర్జాతీయ క్రికెట్‌లో ఓపెనర్‌గా 600 సిక్సర్ల మైలురాయికి చేరువలో ఉన్నాడు. మిచెల్ సాంట్నర్(Mitchell Santner) నాయకత్వంలోని న్యూజిలాండ్ జట్టు కూడా సొంతగడ్డపై సత్తా చాటాలని భావిస్తోంది. భారత కాలమానం ప్రకారం ఉదయం 7:30 గంటలకు ప్రారంభమయ్యే తొలి వన్డేలో ఏ జట్టు పైచేయి సాధిస్తుందో చూడాలి.
అధికారంలోకి రాగానే ఆ భూములు వెనక్కి తీసుకుంటాం