సూర్యాపేట జిల్లా(Suryapet District) కోదాడ పట్టణంలో(Kodad Town) షాపుల తొలగింపు వ్యవహారం తీవ్ర ఉద్రిక్తతకు దారితీసింది. యాదవ బజార్లో(Yadav Bazaar) డబ్బా కొట్ల తొలగింపును నిరసిస్తూ బాధితులు రోడ్డుపై బైఠాయించి ఆందోళనకు దిగారు. ఈ క్రమంలో నిరసనకారుల పట్ల పోలీసులు దురుసుగా ప్రవర్తించారన్న ఆరోపణలు వెల్లువెత్తాయి. ముఖ్యంగా కోదాడ టౌన్ సీఐ (Kodad Town CI) శివశంకర్ (Shivashankar) ఓ నిరసనకారుడిపై చేయి చేసుకుని, కాలర్ పట్టుకుని ఈడ్చుకెళ్లిన ఘటన చర్చనీయాంశంగా మారింది.
కోదాడ పట్టణంలోని 32వ వార్డులో యాదవ బజార్ ప్రాంతంలో ఉన్న డబ్బా కొట్లు(Temporary Shops), షాపులను (Shops) మున్సిపల్ అధికారులు తొలగించారు. ఎలాంటి ముందస్తు నోటీసులు ఇవ్వకుండా రాత్రికి రాత్రే తమ షాపులను తొలగించారని వారు ఆరోపించారు. దీంతో తమ జీవనోపాధి దెబ్బతిన్నదంటూ బాధితులు ఆందోళనకు దిగారు.
మున్సిపల్ కమిషనర్(Municipal Commissioner), అధికారుల తీరును నిరసిస్తూ బాధితులు రోడ్డుపై బైఠాయించారు. తమకు న్యాయం చేయాలని డిమాండ్ చేశారు. ఆందోళన సమయంలో కోదాడ టౌన్ సీఐ శివశంకర్ ఓ బాధితుడిపై చేయి చేసుకున్నాడు. అనంతరం అతడిని నెట్టివేయడంతో రోడ్డుపై పడిపోయాడు. ఆ తర్వాత సదరు వ్యక్తి కాలర్ పట్టుకుని ఈడ్చుకుంటూ వెళ్లి పోలీసు వాహనంలో పడేశారు.
ఈ క్రమంలో అడ్డుకునేందుకు ప్రయత్నించిన మహిళలను సైతం పోలీసులు నెట్టివేశాడు. నడిరోడ్డుపై చోటుచేసుకున్న ఈ పరిణామాలతో స్థానికులు తీవ్ర ఆగ్రహం వ్యక్తం చేశారు. సీఐ దౌర్జన్యం వీడియో సోషల్ మీడియాలో వైరల్గా మారింది. నిరసన తెలిపిన బాధితులపై పోలీసులు వ్యవహరించిన తీరుపై స్థానికులు తీవ్ర ఆగ్రహం వ్యక్తం చేస్తున్నారు. సమస్యను చర్చల ద్వారా పరిష్కరించాల్సిన అధికారులు, ఆందోళనకారులపై బలప్రయోగం చేయడం ఏమిటని ప్రశ్నిస్తున్నారు.
షాపుల తొలగింపు, బాధితుల ఆరోపణలు, పోలీసుల వ్యవహారశైలిపై ఉన్నతాధికారులు విచారణ జరిపి వాస్తవాలను వెల్లడించాలని స్థానికులు డిమాండ్ చేస్తున్నారు. ఘటనకు సంబంధించిన వీడియోలు సోషల్ మీడియాలో వైరల్ అయితే.. వాటి ఆధారంగా కూడా పూర్తి స్థాయిలో విచారణ జరపాలని కోరుతున్నారు.
కోదాడలో సీఐ శివశంకర్ దౌర్జన్యం
— Telugu Feed (@Telugufeedsite) August 28, 2026
యాదవ బజార్లో డబ్బాకొట్టు తొలగింపు సందర్భంగా బాధితుల నిరసన.. రోడ్డుపై బైఠాయింపు
బాధితులపై దూసుకొచ్చి నిరసనకారుడిని రోడ్డుపై నెట్టేసి ఆపై చేయి చేసుకున్న సీఐ శివశంకర్
నెట్టివేయడంతో రోడ్డుపై పడిపోయిన బాధితుడు.. ఈడ్చుకుంటూ తీసుకెళ్లి కారు… pic.twitter.com/SqYaeuKBQs
