టీమిండియా స్టార్ ఆల్రౌండర్, ముంబై ఇండియన్స్ కెప్టెన్ ‘హార్దిక్ పాండ్యా’ మైదానంలోనే కాకుండా వ్యక్తిగత జీవితంలోనూ అనేకసార్లు వార్తల్లో నిలుస్తున్నారు. గత కొద్దిరోజులుగా తన గర్ల్ ఫ్రెండ్ మాహికా శర్మపై ఉన్న ప్రేమను చూపిస్తున్న వీడియోలు, ఫోటోలు సోషల్ మీడియాలో వైరల్ అయ్యాయి. ఇప్పుడు హార్దిక్ ఓ ఖరీదైన కానుకను తన గర్ల్ ఫ్రెండ్ కు అందించారు.
దాదాపు రూ. 1.7 కోట్ల విలువైన సరికొత్త మెర్సిడెస్ బెంజ్ V-క్లాస్ (Mercedes-Benz V-Class) లగ్జరీ కారును ఆమెకు బహుమతిగా ఇచ్చి ఆశ్చర్యపరిచారు. భారతదేశంలోనే అత్యంత విలాసవంతమైన వాహనాల్లో ఒకటిగా పేరుగాంచిన ఈ మోడల్ కారును హార్దిక్ తన ప్రియురాలికి గిఫ్ట్ గా ఇచ్చాడు.
కొద్దిరోజుల క్రితమే హార్దిక్ తన కోసం రూ. 12 కోట్ల విలువైన ఫెరారీ కారును కొనుగోలు చేశారు. ఇప్పుడు మాహికాకు ఈ ప్రీమియం కారును గిఫ్ట్గా ఇవ్వడం సోషల్ మీడియాలో హాట్ టాపిక్గా మారింది. ఈ జంట కారుతో దిగిన ఫోటోలు ప్రస్తుతం నెట్టింట వైరల్ అవుతున్నాయి.
ఈ మధ్యనే పాండ్య నా విజయాల్లో మాహికా పాత్ర ఎంతో ఉందని హార్దిక్ పలు సందర్భాల్లో పేర్కొన్న సంగతి తెలిసిందే. కేవలం వ్యక్తిగత జీవితంలోనే కాకుండా, క్రికెట్ మైదానంలోనూ హార్దిక్ పాండ్యా సత్తా చాటుతున్నారు.
