ప్రస్తుతం సినీ ప్రపంచంలో ఎక్కడ చూసినా ‘ధురందర్ 2’ (Dhurandar 2) నామస్మరణే వినిపిస్తోంది. దేశవ్యాప్తంగా ఈ చిత్రం బాక్సాఫీస్ వద్ద దుమ్మురేపుతుండటంతో, తెలుగు రాష్ట్రాల్లోనూ ‘ధురందర్ రివేంజ్’ (Dhurandar Revenge) హవా గట్టిగా కొనసాగుతోంది. అయితే, ఈ సినిమా ప్రభంజనం ఎంతలా ఉందంటే.. ఏకంగా డిప్యూటీ సీఎం పవన్ కళ్యాణ్ (Pawan Kalyan) నటించిన ‘ఉస్తాద్ భగత్ సింగ్’ (Ustaad Bhagat Singh) చిత్రానికి సంబంధించిన లెక్కలను కూడా సోషల్ మీడియా వేదికగా నెటిజన్లు టార్గెట్ చేస్తున్నారు.
రికార్డుల వేటలో ‘ధురందర్ 2’
‘ధురందర్ 2’ సినిమా సరికొత్త రికార్డులను (New Records) సృష్టిస్తోంది. అభిమానులు చెబుతున్న గణాంకాల ప్రకారం, ఈ చిత్రం ఇప్పటివరకు ఏకంగా రూ. 761 కోట్లకు పైగా వసూలు (Collections) చేసి ప్రభంజనం సృష్టిస్తోంది. ప్రపంచ వ్యాప్తంగా కలెక్షన్లు చూస్తే.. రూ.1006.50 కోట్లపైమాటే. మాస్ ఎలిమెంట్స్, రివేంజ్ డ్రామా ప్రేక్షకులను విపరీతంగా ఆకట్టుకోవడంతో థియేటర్ల వద్ద జాతర కనిపిస్తోంది.
పవన్ సినిమాపై ట్రోల్స్ వర్షం
మరోవైపు, పవర్ స్టార్ పవన్ కళ్యాణ్ (Pawan Kalyan) నటించిన ‘ఉస్తాద్ భగత్ సింగ్’ (Ustaad Bhagat Singh) కలెక్షన్లపై సోషల్ మీడియాలో పెద్ద ఎత్తున చర్చ జరుగుతోంది. లక్షలాది మంది అభిమానులు, భారీ క్రేజ్ ఉన్నప్పటికీ.. ఈ సినిమాకు వచ్చిన కలెక్షన్స్ కేవలం రూ. 80 కోట్లేనని, ధురందర్ 2 కలెక్షన్లతో పోలిస్తే ఇది చాలా తక్కువని నెటిజన్లు కామెంట్స్ చేస్తున్నారు.
హీరోల అభిమానుల మధ్య వార్
టాలీవుడ్లోని ఇతర అగ్ర హీరోల అభిమానులు పవన్ను టార్గెట్ చేస్తూ ట్రోల్స్ చేస్తున్నారు. గతం లో పవన్ ఫ్యాన్స్ చేసిన కొన్ని కామెంట్స్కు, ఇప్పుడు ‘కౌంటర్ రియాక్షన్’ ఇస్తున్నామని ఇతర హీరోల ఫ్యాన్స్ చెప్పుకుంటున్నారు. “ధురందర్ ధాటికి ఉస్తాద్ పక్కకు తప్పుకోవాల్సిందే” అంటూ మీమ్స్, పోస్ట్లతో సోషల్ మీడియాను హోరెత్తిస్తున్నారు. ‘ధురందర్ 2’ సృష్టిస్తున్న కలెక్షన్ల సునామీ టాలీవుడ్లో కొత్త చర్చకు దారితీసింది. ఒక వైపు సినిమా విజయాన్ని ఎంజాయ్ చేస్తుంటే, మరోవైపు ఫ్యాన్ వార్స్ పీక్స్కు చేరుకున్నాయి.
