బీజేపీతో పొత్తుపై TVK చీఫ్ విజయ్ క్లారిటీ

తమిళనాడు (Tamil Nadu) రాజకీయాల్లో ఎన్నికల వేడి క్రమంగా పెరుగుతోంది. ఈ నేపథ్యంలో తమిళగ వెట్రి కళగం పార్టీ (TVK) అధినేత విజయ్ (Vijay) కీలక ప్రకటన చేశారు. కేంద్రంలో అధికారంలో ఉన్న ఎన్డీఏ (NDA) కూటమితో తమ పార్టీకి ఎలాంటి పొత్తు ఉండదని స్పష్టం చేశారు. రాబోయే అసెంబ్లీ ఎన్నికల్లో (Assembly Elections) రాష్ట్రంలోని మొత్తం 234 నియోజకవర్గాల్లో తమ పార్టీ ఒంటరిగానే పోటీ చేస్తుందని ప్రకటించారు.

తమిళ రాజకీయాల్లో త్రిముఖ పోటీకి రంగం
గత కొద్ది రోజులుగా విజయ్ ఎన్డీఏ కూటమిలో చేరే అవకాశాలపై రాజకీయ వర్గాల్లో చర్చలు సాగాయి. అయితే ఆ ఊహాగానాలకు ముగింపు పలుకుతూ విజయ్ తన పార్టీ స్వతంత్రంగా (Independently) పోటీ చేస్తుందని తెలిపారు. తన ప్రసంగాల్లో ఆయన బీజేపీని సైద్ధాంతిక శత్రువుగా, డీఎంకేను రాజకీయ ప్రత్యర్థిగా పేర్కొంటూ వస్తున్నారు.

విజయ్ రాజకీయ రంగ ప్రవేశంతో తమిళనాడులో ఇప్పటివరకు కొనసాగిన డీఎంకే, ఏఐఏడీఎంకే మధ్య ద్వంద్వ పోటీ ఇప్పుడు త్రిముఖ పోటీగా(Triangular Contest) మారే అవకాశాలు కనిపిస్తున్నాయి. విజయ్‌కు ఉన్న భారీ అభిమాన వర్గం ఓట్లుగా మారితే రాష్ట్ర రాజకీయాల్లో కీలక మార్పులు చోటుచేసుకునే అవకాశముందని విశ్లేషకులు భావిస్తున్నారు.

కొన్ని సర్వేల ప్రకారం విజయ్ పార్టీకి రాష్ట్రవ్యాప్తంగా గణనీయమైన ఓట్లు వచ్చే అవకాశముందని అంచనాలు వెలువడుతున్నాయి. ముఖ్యంగా చెన్నై(Chennai) వంటి నగర ప్రాంతాల్లో ఆయన పార్టీ ప్రభావం ఎక్కువగా ఉండొచ్చని భావిస్తున్నారు. దీంతో రాబోయే ఎన్నికల్లో విజయ్ పార్టీ ఎంత ప్రభావం చూపుతుందన్నది ఆసక్తిగా మారింది.