సూపర్ స్టార్ రజినీకాంత్ (Superstar Rajinikanth), దర్శకుడు నెల్సన్ దిలీప్ కుమార్ (Nelson Dilip Kumar) కాంబినేషన్లో వచ్చిన ‘జైలర్’ ఎంతటి సంచలనం సృష్టించిందో ప్రత్యేకంగా చెప్పనక్కర్లేదు. ముఖ్యంగా తమన్నా చేసిన ‘కావాలయ్యా’ సాంగ్ దేశవ్యాప్తంగా ప్రేక్షకులను ఊపేసింది. ఇప్పుడు ఆ సినిమాకు సీక్వెల్గా తెరకెక్కుతున్న ‘జైలర్–2’ (Jailer 2)కోసం మేకర్స్ మరింత గ్రాండ్ ప్లాన్ చేస్తున్నట్లు సమాచారం. తాజా ఫిల్మ్నగర్ టాక్ ప్రకారం, ఈ చిత్రంలోని పవర్ఫుల్ స్పెషల్ సాంగ్ (Powerful Special Song) కోసం బాలీవుడ్ హాట్ బ్యూటీ నోరా ఫతేహిని (Nora Fatehi) ఎంపిక చేశారట.
ఇప్పటికే చెన్నైలో ఈ పాట షూటింగ్ ప్రారంభమైందని, భారీ సెట్స్లో హై-ఆక్టేన్ డ్యాన్స్ నంబర్ను చిత్రీకరిస్తున్నారని తెలుస్తోంది. నోరా తన అదిరిపోయే డ్యాన్స్ స్టెప్పులతో థియేటర్లను మరోసారి హోరెత్తించనుందన్న అంచనాలు అభిమానుల్లో పెరుగుతున్నాయి.సన్ పిక్చర్స్ (Sun Pictures) బ్యానర్పై ప్రతిష్టాత్మకంగా రూపొందుతున్న ఈ సీక్వెల్లో నోరా ఫతేహి మాత్రమే కాకుండా మరికొందరు స్టార్ నటులు కూడా భాగమవుతున్నారని వార్తలు వస్తున్నాయి.
కన్నడ స్టార్ శివరాజ్ కుమార్ (Shivarajkumar)తో పాటు, టాలీవుడ్ లెజెండ్ నందమూరి బాలకృష్ణ (Nandamuri Balakrishna) కూడా కీలక పాత్రలో కనిపించనున్నారనే ప్రచారం సినిమాపై అంచనాలను మరింత పెంచింది. తొలి భాగంలో మోహన్లాల్, శివరాజ్ కుమార్ ప్రత్యేక పాత్రలతో ఆకట్టుకోగా, ఈసారి బాలయ్య ఎంట్రీ ఇస్తే బాక్సాఫీస్ వద్ద కొత్త రికార్డులు నమోదు కావడం ఖాయమని విశ్లేషకులు భావిస్తున్నారు. దర్శకుడు నెల్సన్ ఈ చిత్రాన్ని మరింత మాస్, స్టైలిష్ ఎలిమెంట్స్తో తెరకెక్కిస్తున్న నేపథ్యంలో, రజినీకాంత్ అభిమానులు ‘జైలర్–2’ అప్డేట్స్ కోసం ఆసక్తిగా ఎదురుచూస్తున్నారు.
