ముగ్గురికి కేబినెట్ హోదా.. జీవో విడుదల

ఆంధ్రప్రదేశ్ కూటమి ప్రభుత్వం మరో కీలక నిర్ణయం తీసుకుంది. ముగ్గురికి కేబినెట్ హోదా కల్పిస్తూ అధికారిక ఉత్తర్వులు విడుదల చేసింది. ముఖ్యమంత్రి చంద్రబాబు ఆదేశాల మేరకు ప్రిన్సిపల్ సెక్రటరీ ముకేశ్ కుమార్ మీనా ఈ ఉత్తర్వులు జారీ చేశారు.

కేబినెట్ హోదా లభించిన వారిలో ఏపీ మహిళా కమిషన్ చైర్‌పర్సన్ డాక్టర్ రాయపాటి శైలజ, ఎస్సీ కార్పొరేషన్ చైర్మన్ కేఎస్ జవహర్, ప్రెస్ అకాడమీ చైర్మన్ ఆలపాటి సురేశ్ ఉన్నారు. సెప్టెంబర్ 1వ తేదీ నుంచి ఈ ఉత్తర్వులు అమలులోకి వచ్చినట్లు ప్రభుత్వం స్పష్టం చేసింది.