ఇంగ్లాండ్‌ (England)తో జరుగుతున్న టెస్ట్ సిరీస్‌ (Test Series)లో భాగంగా టీమిండియా (Team India) ప్రస్తుతం రెండో టెస్టు (Second Test)కు సిద్ధమైంది. మొదటి మ్యాచ్‌లో ఓడిపోవడంతో ఈసారి భారత జట్టులో కొన్ని కీలక మార్పులు (Key Changes) చోటుచేసుకునే అవకాశం ఉంది. టాస్ గెలిచిన ఇంగ్లండ్ బౌలింగ్ ఎంచుకుంది.
బుమ్రాకు విశ్రాంతి.. కొత్త ముఖాలకు ఛాన్స్?
ముఖ్యంగా, స్టార్ బౌలర్ జస్ప్రీత్ బుమ్రా (Jasprit Bumrah) రెండో టెస్టులో ఆడడం లేదని తెలుస్తోంది. కెప్టెన్ శుభ్‌మన్ గిల్ (Shubman Gill) తెలిపిన వివరాల ప్రకారం, బుమ్రాకు కొంత విశ్రాంతినిచ్చి, వచ్చే వారం జరిగే మూడో టెస్టుకు సిద్ధం చేయాలని టీమిండియా చూస్తోంది. దీంతో ఎడ్జ్‌బాస్టన్‌లో బుమ్రా బౌలింగ్ చూడలేమని అభిమానులు నిరాశ వ్యక్తం చేస్తున్నారు.
బుమ్రా స్థానంలో బెంగాల్ పేసర్ ఆకాష్ దీప్‌ (Akash Deep)కు అవకాశం దక్కే అవకాశం ఉంది. అలాగే, ఆల్‌రౌండర్ శార్దూల్ ఠాకూర్‌ (Shardul Thakur) స్థానంలో స్పిన్ ఆల్‌రౌండర్ వాషింగ్టన్ సుందర్ను (Washington Sundar) తీసుకునే ఆలోచనలో ఉన్నారని సమాచారం. ఇంకో మార్పు కూడా ఉండే అవకాశం కనిపిస్తుంది. నితీష్ కుమార్ రెడ్డిని జట్టులోకి తీసుకోవచ్చు. ఒకవేళ అతనికి చోటు దక్కితే, సాయి సుదర్శన్ లేదా కరుణ్ నాయర్‌లలో ఒకరు బెంచ్‌కు పరిమితం కావచ్చు.
కుల్‌దీప్‌కు మళ్ళీ మొండిచేయి?
చాలామంది క్రికెట్ నిపుణులు కుల్‌దీప్ యాదవ్‌ను జట్టులోకి తీసుకోవాలని కోరుతున్నారు. కానీ, కెప్టెన్ శుభ్‌మన్ గిల్ మాత్రం రెండో స్పిన్నర్‌ను మొదటి రోజు ఎలా ఉపయోగించుకోవాలనేది ముఖ్యమని చెబుతూ, కుల్‌దీప్‌కు మళ్ళీ ఛాన్స్ దక్కకపోవచ్చని పరోక్షంగా సూచించాడు.
మొత్తానికి, రెండో టెస్టులో టీమిండియా కొత్త కాంబినేషన్‌తో బరిలోకి దిగబోతోంది. ఈ మార్పులు జట్టుకు విజయాన్ని అందిస్తాయో లేదో చూడాలి.
