దర్శకధీరుడు ఎస్.ఎస్. రాజమౌళి (S.S. Rajamouli)- టాలీవుడ్ సూపర్స్టార్ మహేశ్ బాబు (Mahesh Babu) కాంబినేషన్లో రూపొందుతున్న భారీ పాన్ ఇండియా ప్రాజెక్ట్ ‘SSMB29’ గురించి ఆసక్తికరమైన వార్త ఫిల్మ్ నగర్లో హాట్ టాపిక్గా మారింది. ఈ హై బడ్జెట్ యాక్షన్ అడ్వెంచర్ చిత్రం ఇప్పటికే అందరి దృష్టిని ఆకర్షిస్తోంది. తాజాగా, ఈ సినిమాకు సంబంధించి ఒక క్రేజీ అప్డేట్ వైరల్ అవుతోంది, ఇది అభిమానుల ఉత్సాహాన్ని మరింత పెంచుతోంది.
తమిళ సినిమా స్టార్ హీరో చియాన్ విక్రమ్ (Chiyaan Vikram) ఈ చిత్రంలో ఒక కీలక పాత్రలో నటించనున్నారని సమాచారం. విక్రమ్ పాత్ర నెగటివ్ షేడ్స్తో కూడినదా లేక పాజిటిల్స్ రోలా అనేది ఇంకా స్పష్టత రావాల్సి ఉంది. ఈ సినిమాలో ఇప్పటికే మలయాళ స్టార్ పృథ్వీరాజ్ సుకుమారన్ (Prithviraj Sukumaran) ఒక ముఖ్యమైన పాత్రలో నటిస్తున్నారు. అతను ఒక పవర్ఫుల్ విలన్ పాత్రలో కనిపించే అవకాశం ఉందని టాక్. అలాగే ప్రియాంకా చోప్రా (Priyanka Chopra) ఈ సినిమాలో మహేశ్ బాబుతో స్క్రీన్ షేర్ చేస్తూ, కీలక పాత్రలో కనిపించనున్నారు. ఈ స్టార్-స్టడెడ్ కాస్ట్ సినిమాపై అంచనాలను ఆకాశానికి తాకేలా చేస్తోంది.
‘SSMB29’ అనే వర్కింగ్ టైటిల్తో రూపొందుతున్న ఈ చిత్రం ఒక గ్లోబ్-ట్రాటింగ్ యాక్షన్ అడ్వెంచర్, ఇందులో పురాణాలు, సాహసం కలగలిపిన కథాంశంగా ఉంటుందని సమాచారం. రాజమౌళి తండ్రి విజయేంద్ర ప్రసాద్ (Vijayendra Prasad) రచించిన ఈ కథ ఇండియానా జోన్స్ తరహా సాహస కథనంగా ఉంటుందని టాక్. సినిమా చిత్రీకరణ ఇప్పటికే హైదరాబాద్, ఒడిశా వంటి ప్రాంతాల్లో పూర్తయింది. రామోజీ ఫిల్మ్ సిటీలో ఒక భారీ బోట్ సీక్వెన్స్ చిత్రీకరణ కోసం స్పెషల్ సెట్లు ఏర్పాటు చేసినట్లుగా సమాచారం. అంతర్జాతీయ స్టంట్ కొరియోగ్రాఫర్లు ఈ సీక్వెన్స్లను రూపొందించనున్నారని తెలుస్తోంది.
‘SSMB29’ రాజమౌళి దర్శకత్వంలో మహేశ్ బాబు కెరీర్లో ఒక గుర్తుండిపోయే చిత్రంగా నిలవనుంది. చియాన్ విక్రమ్ లాంటి స్టార్ హీరోల చేరిక వార్తతో సినిమాపై అంచనాలు రెట్టింపు అవుతున్నాయి. ప్రియాంకా చోప్రా, పృథ్వీరాజ్ సుకుమారన్ లాంటి ప్రముఖ నటులు ఇందులో భాగస్వాములయ్యారు. మహేశ్బాబు సినిమా లేటెస్ట్ అప్డేట్స్ కోసం అభిమానులు ఆసక్తిగా ఎదురుచూస్తున్నారు.
