ఇండియ‌న్ ప్రీమియ‌ర్ లీగ్‌ (IPL)లో భారీ ఫాలోయింగ్ ఉన్న టీమ్‌ల‌లో రాయల్ ఛాలెంజర్స్ బెంగళూరు (RCB) ముందుంటుంది. కానీ, ఈ గ్లోరీస్ జట్టు ఇప్పటి వరకు ఒక్కసారి కూడా టైటిల్ (Title) అందుకోలేకపోవడం ఆశ్చర్యం క‌లిగించే విష‌య‌మే. ఇప్పటి వరకు 17 సీజన్‌లు గడిచినప్పటికీ RCB టైటిల్ ఖాతా ఖాళీగానే ఉంది.
ఈ ఏడాది మాత్రం RCB మంచి ఫామ్‌తో ముందుకు సాగుతోంది. ఇప్పటికే ప్లేఆఫ్స్ బెర్త్ (Playoffs Berth) ఖరారు చేసుకున్న టీమ్, టైటిల్ ఆశలు పటిష్టంగా పెంచింది. ఈ నేపథ్యంలో ఒక అభిమాని చేసిన వ్యాఖ్య నెట్టింట తెగ వైరలవుతోంది. “ఈసారి కూడా RCB కప్పు గెలవలేకపోతే… నా భార్యకు విడాకులు ఇస్తా” అంటూ ఆ ఫ్యాన్ చేసిన కామెంట్ సోషల్ మీడియా ప్లాట్‌ఫామ్స్‌ను షేక్ చేస్తోంది.
ఆ వీడియోపై నెటిజన్లు విభిన్నంగా స్పందిస్తున్నారు. కొంతమంది ఫన్నీగా తీసుకుంటే, మరికొంతమంది దీనిని ఓవ‌ర్ యాక్ష‌న్ అంటూ కామెంట్లు చేస్తున్నారు. ఆర్సీబీ ఈసారి అభిమానుల ఆశలు నెరవేరుస్తుందా..? ఒక్క టైటిల్ లేద‌న్న నింద‌ను తుడిపేసుకుంటుందా..? అన్నది ఆసక్తికర ప్రశ్నగా మారింది.
— Out Of Context Cricket (@GemsOfCricket) May 4, 2025
