సూపర్ స్టార్ (Superstar) మహేశ్ బాబు (Mahesh Babu) కు స్టార్‌డమ్ తెచ్చిన చిత్రం ఒక్కడు (Okkadu) మళ్లీ థియేటర్లలో (Theatres) సందడి చేయబోతోంది. దర్శకుడు గుణశేఖర్ (Gunasekhar) దర్శకత్వంలో 2003లో విడుదలైన ఈ యాక్షన్ ఎంటర్‌టైనర్ అప్పట్లో ట్రెండ్ సెట్టర్‌గా నిలిచి, మహేశ్ బాబును “ప్రిన్స్” నుంచి “సూపర్ స్టార్”గా మార్చిన మైలురాయి చిత్రం (Milestone Film) గా గుర్తింపు పొందింది.
ఈ సినిమాలో భూమిక చావ్లా కథానాయికగా నటించగా, విలన్ పాత్రలో ప్రకాశ్ రాజ్ అద్భుతమైన ప్రదర్శన ఇచ్చారు. ఇందులోని కొన్ని సన్నివేశాలు, డైలాగులు ఇప్పటికీ ట్రెండింగ్‌లో ఉన్నాయి. సోషల్ మీడియా, మీమ్‌ల ప్రపంచంలో “ఒక్కడు” డైలాగులు విస్తృతంగా చ‌క్కర్లు కొడుతుంటాయి.
టాలీవుడ్‌లో కొనసాగుతున్న రీ-రిలీజ్ ట్రెండ్‌లో భాగంగా, “ఒక్కడు”ను కూడా తిరిగి తెరపైకి తీసుకురావడానికి మేకర్స్ సన్నాహాలు చేస్తున్నారు. ఏప్రిల్ 26న ఈ సినిమాను గ్రాండ్‌గా రీ రిలీజ్ (Re-Release) చేయనున్నారు. ఇప్పటికే హైదరాబాద్‌ (Hyderabad) లోని RTC క్రాస్ రోడ్‌లో ఉన్న సంధ్య థియేటర్ (Sandhya Theatre) సహా పలు స్క్రీన్లలో అడ్వాన్స్ బుకింగ్స్ (Advance Bookings) ప్రారంభమయ్యాయి.
ఈ చిత్రం మరోసారి ప్రేక్షకులను థ్రిల్ చేయడం ఖాయమని, బాక్సాఫీస్ వద్ద మంచి వసూళ్లు రాబడుతుందని అభిప్రాయపడుతున్నారు. మహేశ్ బాబు అభిమానులు (Mahesh Babu Fans) ఈ రీ-రిలీజ్ కోసం ఎంతో ఉత్సాహంగా ఎదురు చూస్తున్నారు. 20 సంవత్సరాల తర్వాత కూడా ఒక్కడుకు ఉన్న క్రేజ్ చూస్తే, ఈ సినిమాకు తిరిగి వెండితెరపై ఘన స్వాగతం లభించనుంది.
“బ్రాహ్మణులపై మూత్రం పోస్తా” – అనురాగ్ కశ్యప్ వివాదాస్ప‌ద వ్యాఖ్య