వైసీపీ (YSRCP) అధ్యక్షుడు (President), మాజీ (Former) ముఖ్యమంత్రి (Chief Minister) వైఎస్ జగన్‌మోహన్‌రెడ్డి (YS Jaganmohan Reddy) మూడు రోజులపాటు తన నియోజకవర్గమైన పులివెందుల (Pulivendula)లో పర్యటించనున్నారు. సెప్టెంబర్ 1వ తేదీ నుంచి 3వ తేదీ వరకు వివిధ కార్యక్రమాల్లో ఆయన పాల్గొననున్నట్లు పార్టీ వర్గాలు వెల్లడించాయి. వైఎస్ జగన్ సెప్టెంబర్ 1వ తేదీ సోమవారం మధ్యాహ్నం పులివెందుల చేరుకోనున్నారు. అనంతరం భాకరాపురం (Bhakarapuram)లోని క్యాంప్ కార్యాలయం(Camp Office)లో ప్రజలను కలుసుకుని, రాత్రికి తన నివాసంలో బస చేస్తారు.
సెప్టెంబర్ 2వ తేదీ మంగళవారం ఉదయం ఆయన ఇడుపులపాయ (Idupulapaya)లోని వైఎస్సార్ ఘాట్ (YSR Ghat) చేరుకుని తన తండ్రి, దివంగత వైఎస్ రాజశేఖరరెడ్డి (YS Rajasekhara Reddy) వర్ధంతి సందర్భంగా పుష్పాంజలులు అర్పిస్తారు. ఆ తరువాత లింగాల మండలం అంబకపల్లిలో గంగమ్మకుంట వద్ద నిర్వహించే జలహారతి కార్యక్రమంలో పాల్గొననున్నారు. తరువాత తిరిగి పులివెందుల చేరుకుని, క్యాంప్ కార్యాలయంలో ప్రజలతో భేటీ అవుతారు. రాత్రికి అక్కడే బస చేసి, సెప్టెంబర్ 3వ తేదీ ఉదయం తిరుగు ప్రయాణం అవుతారని పార్టీ ప్రకటనలో పేర్కొంది.
