టీమిండియా స్టార్ బ్యాట్స్‌మెన్ విరాట్ కోహ్లి, ఒక అరుదైన రికార్డుకు కొన్ని అడుగుల దూరంలో ఉన్నాడు. ఆసీస్‌తో జరిగిన టెస్టు సిరీస్‌లో అనుకున్న ఫలితాలు సాధించలేకపోయినప్పటికీ, ఛాంపియన్స్ ట్రోఫీ-2025 కంటే ముందు ప్రారంభ‌మ‌య్యే వన్డే సిరీస్‌లో విరాట్ కొత్త రికార్డును దిశగా అడుగులు వేస్తున్నాడు. రాజ్‌కోట్ వేదికగా ఫిబ్రవరి 6న ఇంగ్లండ్‌తో మొదలయ్యే వన్డే సిరీస్ మొదటి మ్యాచ్‌లో, విరాట్ కోహ్లి మరో 96 పరుగులు సాధిస్తే, వన్డే క్రికెట్లో కేవలం 300 కంటే తక్కువ ఇన్నింగ్స్‌ల్లో 14 వేల పరుగులు చేసిన తొలి క్రికెటర్‌గా చరిత్రలో నిలుస్తాడు.
కోహ్లి రికార్డులపై అభిమానుల ఆసక్తి
భారత క్రికెట్ అభిమానులు ఈ రికార్డు కోసం ఆసక్తిగా ఎదురుచూస్తున్నారు. తన క్రమశిక్షణ, ఆటతీరు, శ్రద్ధతో విరాట్ కోహ్లి ప్రపంచవ్యాప్తంగా అభిమానులను సంపాదించాడు. ఈ అద్భుతం సాధించి, అతను మరోసారి “కింగ్ కోహ్లి”గా తన స్థానాన్ని నిరూపించుకునే అవకాశముంది.
