విక్టరీ వెంకటేశ్ హీరోగా, అనిల్ రావిపూడి దర్శకత్వంలో రూపొందిన చిత్రం ‘సంక్రాంతికి వస్తున్నాం’ జనవరి 14న ప్రేక్షకుల ముందుకు రాబోతోంది. ఈ సినిమాలో ఐశ్వర్య రాజేశ్, మీనాక్షి చౌదరి హీరోయిన్లుగా నటిస్తున్నారు. సంక్రాంతి కానుకగా విడుద‌ల‌వుతున్న ఈ సినిమా ప్రేక్షకుల్లో భారీ అంచనాలు పెంచేసింది. తాజాగా, సినిమా ప్రమోషన్లలో భాగంగా వెంకటేశ్ తన అభిమానులకు మరింత దగ్గరయ్యారు. ప్రత్యేక కార్యక్రమంలో 3000 మంది అభిమానులతో ఫొటోలు దిగారు, ఇది ప్రస్తుతం సోషల్ మీడియాలో వైరల్‌గా మారింది. అభిమానులను తన చలాకితనంతో అలరించిన వెంకటేశ్, సినిమా గురించి ఆసక్తిని మరింత పెంచారు.
సంక్రాంతికి వెంకీ
సినిమా ప్ర‌మోష‌న్‌లో భాగంగా ఏకంగా 3 వేల మందితో వెంకటేశ్ ఫొటోలు దిగ‌డం, విక్టరీ అభిమానులకు దొరికిన అద్భుతమైన అవకాశం ఇది. ‘సంక్రాంతికి వస్తున్నాం’ చిత్రం వెంకటేశ్‌కు మరో విజయాన్ని అందిస్తుందని టాలీవుడ్ వర్గాలు భావిస్తున్నాయి.
