అమెరికా వీసా దరఖాస్తుదారులకు పెద్ద ఊరట లభించింది. భారతదేశంలోని యూఎస్ ఎంబసీ కొత్త నిబంధనలను ప్రకటించింది. దీని ప్రకారం వీసా అపాయింట్మెంట్ రీషెడ్యూల్ చేయడం మరింత సులభతరం కానుంది. వీసా అపాయింట్మెంట్ కోసం నెలల తరబడి వేచి ఉండాల్సిన అవసరం ఇకపై లేదు. దరఖాస్తుదారులు ఇప్పుడు వారి అపాయింట్మెంట్లను అదనపు రుసుము లేకుండా మరో వీసా కేంద్రానికి మార్చుకోవచ్చు. ఒకసారి అపాయింట్మెంట్ రీషెడ్యూల్ చేసుకోవడానికి అనుమతి ఉంది. రెండోసారి రీషెడ్యూల్ చేయాలనుకుంటే, దరఖాస్తుదారులు కొత్త అపాయింట్మెంట్ బుక్ చేసుకోవాల్సి ఉంటుంది.
ఈ మార్పులు వీసా ప్రాసెసింగ్ సమయాన్ని తగ్గించడమే కాకుండా, వీసా పొందడంలో ఎదురయ్యే ఇబ్బందులను కూడా సులభతరం చేస్తాయి. ముఖ్యంగా ప్రయాణ అవసరాలు ఉన్న వారికి ఇది మంచి అవకాశంగా మారనుంది. ఈ నిబంధనలు కొత్త సంవత్సరంతో అమలులోకి రానున్నాయి, భారతీయ వీసా దరఖాస్తుదారులు దీన్ని వినియోగించుకోవాలని యూఎస్ ఎంబసీ సూచించింది.
