తల్లికి వందనం నిధులు జమ కాలేదా..? ఇలా చేయండి

ఆంధ్రప్రదేశ్ ప్రభుత్వం (Andhra Pradesh Government) అమలు చేస్తున్న ‘తల్లికి వందనం’ (Talliki Vandanam) పథకంలో సాంకేతిక లోపాలు (Technical Errors) తలెత్తడంతో కొంతమంది లబ్ధిదారుల బ్యాంకు ఖాతాల్లో నిధులు జమ కాకుండా ఆటంకం ఏర్పడింది. సూపర్ సిక్స్ (Super Six) హామీల్లో భాగంగా ప్రారంభమైన ఈ పథకం కింద, 67 లక్షల మంది విద్యార్థుల తల్లుల ఖాతాల్లో (Mothers Accounts) రూ.13,000 చొప్పున జమ చేయాలని ప్రభుత్వం లక్ష్యంగా పెట్టుకుంది. అయితే, జాబితాలో తప్పులు, బ్యాంకు ఖాతాల ఆధార్ లింకింగ్ (Aadhaar Linking) సమస్యలు వంటి సాంకేతిక కారణాలతో కొందరు నిధులు అందుకోలేకపోయారు. ఈ సమస్యను త్వరగా పరిష్కరించేందుకు ప్రభుత్వం అధికారులను ఆదేశించింది.

లబ్ధిదారులు తమ ఖాతాల్లో నిధులు జమ కాకపోతే, మనమిత్ర వాట్సాప్ (Manamitra WhatsApp) సేవల ద్వారా లేదా సమీప గ్రామ/వార్డు సచివాలయా (Village/Ward Secretariats)ల్లో ఫిర్యాదు (Complaint) నమోదు చేయాలని ప్రభుత్వం సూచించింది. ఈ ఫిర్యాదులను వెంటనే పరిశీలించి, అర్హులైన వారి ఖాతాల్లో నిధులు జమ చేస్తామని అధికారులు హామీ ఇచ్చారు. జూన్ 26 వరకు ఫిర్యాదులు స్వీకరించేందుకు గడువు నిర్ణయించినట్లు ముఖ్యమంత్రి (Chief Minister) చంద్రబాబు నాయుడు (Chandrababu) ప్రకటించారు. సాంకేతిక సమస్యలతో పాటు, ఒకే తల్లి పేరిట అనేకమంది పిల్లల పేర్లు నమోదవడం వంటి అంశాల‌ను సైతం పరిశీలిస్తున్నట్లు అధికారులు తెలిపారు.