తమిళ సూపర్ స్టార్ దళపతి విజయ్ (Vijay)తన సినీ కెరీర్కు గుడ్బై చెప్పనున్నట్టు ప్రకటించడంతో, ఆయన చివరి చిత్రం ‘జన నాయగన్’పై అంచనాలు ఆకాశాన్నంటాయి. పూర్తిగా రాజకీయాల వైపు ఉన్న నేపధ్యంలో, ఈ సినిమా తర్వాత ఇండస్ట్రీకి దూరంగా ఉండాలని విజయ్ నిర్ణయించుకున్నారు. ఈ పొలిటికల్ యాక్షన్ థ్రిల్లర్ 2026 జనవరి 9న థియేటర్లలోకి రానుంది.
ఈ హైప్ కారణంగా, ‘జన నాయగన్’ విడుదల కంటే ముందే భారీస్థాయిలో ప్రీ-బిజినెస్ చేస్తూ రికార్డులు సృష్టిస్తోంది. ఇప్పటివరకు అందిన సమాచారం ప్రకారం, ఈ చిత్రం దాదాపు రూ.338 కోట్లు బిజినెస్ చేసినట్టు టాక్. కేవలం తమిళనాడు, కేరళ థియేట్రికల్ హక్కులే రూ.115 కోట్లకు, ఓవర్సీస్ రైట్స్ రూ.78 కోట్లకు అమ్ముడైనట్టు తెలుస్తోంది.
ఈ సినిమా డిజిటల్ స్ట్రీమింగ్ హక్కులు కూడా రికార్డు స్థాయిలో అమ్ముడయ్యాయి. అమెజాన్ ప్రైమ్ వీడియో ఈ హక్కులను ఏకంగా రూ.110 కోట్లకు కొనుగోలు చేసింది. ఇది రజినీకాంత్ ‘కూలి’ OTT హక్కుల కంటే (రూ.100-110 కోట్లు) కొంచెం ఎక్కువ కావడం విశేషం. విజయ్ చివరి సినిమా కావడంతో ఆయన మాస్లో ఉన్న క్రేజ్ను దృష్టిలో ఉంచుకుని ప్రైమ్ ఈ భారీ మొత్తాన్ని చెల్లించినట్లు సినీ వర్గాలు చెబుతున్నాయి.
పూజా హెగ్డే, బాబీ డియోల్, మమితా బైజు, ప్రకాష్ రాజ్ వంటి నటీనటులు కీలక పాత్రల్లో నటిస్తున్న ఈ పొలిటికల్ డ్రామా ఇండస్ట్రీలో కొత్త రికార్డులను క్రియేట్ చేయనుందని, ఈ ప్రీ-రిలీజ్ బిజినెస్ లెక్కలు అభిమానుల నమ్మకాన్ని మరింతగా పెంచుతున్నాయని చెప్పవచ్చు.
