తెలంగాణ (Telangana)లో 2023 అసెంబ్లీ ఎన్నికల (Assembly Elections) సమయంలో జరిగిన ఫోన్ ట్యాపింగ్ (Phone Tapping) కేసులో సంచలన విషయాలను వెలుగులోకి వ‌చ్చాయి. మాజీ ఎస్ఐబీ చీఫ్ (Former SIB Chief) ప్రభాకర్ రావు (Prabhakar Rao) నేతృత్వంలోని టీమ్, మావోయిస్టు సానుభూతిపరులు, రాజకీయ విఘాతం కలిగించే వారి పేరుతో 4200 మంది ఫోన్లను ట్యాప్ చేసినట్లు దర్యాప్తులో తేలింది. ముఖ్యంగా 2023 నవంబర్ 15 నుంచి 30 వరకు 618 మంది రాజకీయ నేతల ఫోన్లు ట్యాప్ చేయబడిన‌ట్లుగా వార్తలు వెలువడుతున్నాయి. సీఎం (CM) రేవంత్ రెడ్డి (Revanth Reddy), టీపీసీసీ చీఫ్ (TPCC Chief) మహేష్ కుమార్ గౌడ్ (Mahesh Kumar Goud)తో పాటు కాంగ్రెస్, బీజేపీ, ఇతర పార్టీల ముఖ్య నేతలు, వారి అనుచరుల ఫోన్లు కూడా ఈ ట్యాపింగ్‌లో లక్ష్యంగా మారాయి. ఈ వ్యవహారం సర్వీస్ ప్రొవైడర్ల సమాచారంతో బయటపడింది.
ఈ కేసులో ఆంధ్రప్రదేశ్‌ (Andhra Pradesh)కు చెందిన వైసీపీ(YSRCP) నేతల ఫోన్లు కూడా ట్యాప్ చేయబడినట్లు సంచలన విషయం వెల్లడైంది. ముఖ్యంగా గురజాల నియోజకవర్గ (Gurazala Constituency) మాజీ ఎమ్మెల్యే కాసు మహేష్ రెడ్డి (Kasu Mahesh Reddy) ఫోన్‌ను ప్రభాకర్ రావు (Prabhakar Rao) టీమ్(Team) ట్యాప్ చేసినట్లు తెలిసింది. ఈ ట్యాపింగ్ కార్యకలాపాలు ఎన్నికల సమయంలో రాజకీయ ప్రత్యర్థులపై గూఢచర్యం నిర్వహించేందుకు జరిగినట్లు ఆరోపణలు వస్తున్నాయి. స్పెషల్ ఇన్వెస్టిగేషన్ టీమ్ (సిట్)(SIT) ఈ కేసును లోతుగా దర్యాప్తు చేస్తోంది. మంగ‌ళ‌వారం ఒక్క రోజే 9 మంది సాక్షుల స్టేట్‌మెంట్లను సిట్ రికార్డ్ చేసింది, ఇందులో టెలికాం సర్వీస్ ప్రొవైడర్ల ప్రతినిధులు, ట్యాపింగ్‌లో పాల్గొన్న కొందరు అధికారులు ఉన్నట్లు సమాచారం.
ఈ ఫోన్ ట్యాపింగ్ వ్యవహారం తెలంగాణ రాజకీయాల్లో కలకలం సృష్టించింది. సోషల్ మీడియాలోనూ విస్తృతంగా చర్చ జరుగుతోంది. టీపీసీసీ చీఫ్ మహేష్ కుమార్ గౌడ్, ఈ ట్యాపింగ్‌ను హేయమైన చర్యగా ఖండిస్తూ, తమ ఫోన్లు ట్యాప్ అయిన విషయం ఆనాడే తెలిసిందన్నారు. ఈ కేసులో ప్రభాకర్ రావు జూన్ 9న హైదరాబాద్‌కు చేరుకొని పోలీసుల విచారణకు హాజరయ్యారు. ఈ ఘటన రాజకీయ నాయకుల గోప్యతపై తీవ్ర చర్చను రేకెత్తించింది, మరిన్ని వివరాల కోసం సిట్ దర్యాప్తు ఫలితాల కోసం ఎదురుచూడాల్సి ఉంది.
