టీమిండియా ఓపెన‌ర్ కేఎల్ రాహుల్‌ను ఓ అరుదైన ఘ‌న‌త ఊరిస్తోంది. ఈ రికార్డుకు అతి చేరువ‌లో ఉన్న రాహుల్ చేతిగాయంతో ప్ర‌స్తుతం కోలుకుంటున్నాడు. ఈనెల 26న జ‌ర‌గ‌బోయే టెస్టు మ్యాచ్‌లో ఆ ఘ‌న‌త‌ను అందుకోగ‌ల‌డా అనే సందేహాలు వ్య‌క్తం అవుతున్నాయి.
బోర్డర్-గవాస్కర్ ట్రోఫీలో భాగంగా భారత్-ఆస్ట్రేలియా జట్ల మధ్య డిసెంబరు 26న మెల్‌బోర్న్ క్రికెట్ గ్రౌండ్ (ఎంసీజీ) వేదికగా నాలుగో టెస్ట్ జరగనుంది. ఈ ప్రత్యేకమైన బాక్సింగ్ డే టెస్టులో భారత స్టార్ బ్యాట్స్‌మెన్ కేఎల్ రాహుల్ అరుదైన రికార్డు సాధించే అంచున ఉన్నాడు.
రాహుల్ ఇప్పటికే బాక్సింగ్ డే టెస్టుల్లో రెండు శతకాలు సాధించిన ఆటగాడిగా గుర్తింపు పొందాడు. ఈసారి కూడా సెంచరీ సాధిస్తే, వరుసగా మూడు బాక్సింగ్ డే టెస్టుల్లో శతకాలు చేసిన భారత ఆటగాడిగా చరిత్రలోకి ఎక్కనున్నాడు. ఇది కేవలం రాహుల్‌కు మాత్రమే కాదు, భారత క్రికెట్‌లో గొప్ప ఘనతగా నిలుస్తుంది. మెల్‌బోర్న్ మైదానం వేదికగా ఇప్పటికే ఎందరో ఆటగాళ్లు తమ ప్రతిభను చాటుకున్నారు. ఇప్పుడు రాహుల్ కూడా వారి సరసన చేరేందుకు సిద్ధమవుతున్నారు.
