ఏపీ సీఎం(AP CM) నారా చంద్రబాబు నాయుడు (Nara Chandrababu Naidu) నేతృత్వంలో తెలుగుదేశం పార్టీ పార్లమెంటరీ పార్టీ సమావేశం (Telugu Desam Party Parliamentary Party Meeting) ఈరోజు (జూలై 18) మధ్యాహ్నం 3 గంటలకు ఉండవల్లి (Undavalli)లోని సీఎం నివాసంలో జరగనుంది. రాబోయే వర్షాకాల పార్లమెంట్ సమావేశాలకు ముందుగా, టీడీపీ ఎంపీలతో వ్యూహాత్మకంగా చర్చించేందుకు ఈ భేటీ ఏర్పాటు చేశారు. ఈ భేటీలో 16 మంది లోక్‌సభ సభ్యులు, 2 మంది రాజ్యసభ సభ్యులు పాల్గొననున్నారు.
పార్లమెంట్ వేదికగా రాష్ట్ర ప్రజల సమస్యలు, ప్రాజెక్టులు, కేంద్రం నుండి నిధుల కోసం పోరాటం, ఇతర అంశాలపై ఏ దిశగా ముందుకెళ్లాలో చంద్రబాబు ఎంపీలకు స్పష్టంగా మార్గనిర్దేశం చేయనున్నారు. సమన్వయంతో కలిసి పనిచేయాలని, పార్టీ శక్తిని ఢిల్లీ(Delhi) వేదికగా చాటాలని ఆయన సూచించనున్నట్లు సమాచారం. విపక్షాల వ్యూహాలు, కేంద్ర బీజేపీతో సంబంధాలు, నూతన ప్రణాళికలు, మరియు పార్లమెంట్‌లో టీడీపీ ప్రభావాన్ని పెంచే మార్గాలపై కూడా ఈ సమావేశంలో చర్చకు అవకాశం ఉంది.
