తిరువూరు ఎమ్మెల్యే కొలికపూడి శ్రీనివాసరావు సంచలన నిర్ణయం తీసుకున్నారు. స్థానికంగా ఉన్న బెల్ట్ షాపులను ఆయన దగ్గరుండి మూసేయించారు. విద్యార్థులు మత్తుకు బానిస అవుతున్న నేపథ్యంలో ఈ చర్య తీసుకున్నట్లు ఆయన తెలిపారు.
బెల్ట్ షాపులపై చర్యలు
కూట‌మి ఎమ్మెల్యే కొలికపూడి శ్రీనివాసరావు స్థానికంగా ఉన్న బెల్ట్ షాపులపై ఎక్సైజ్ అధికారులకు సూచనలు ఇచ్చి, వీటిని మూసివేయమని ఆదేశించారు. ఈ షాపుల కారణంగా విద్యార్థులు మత్తుకు బానిస అవుతున్నారని ఆయన అభిప్రాయపడ్డారు.
గతంలో టీడీపీ అధినేత చంద్రబాబు నాయుడు, బెల్ట్ షాపులు ఏర్పాటు చేస్తే కఠిన చర్యలు తప్పవని హెచ్చరించారు. అయితే, ఈ హెచ్చరికలను పట్టించుకోకుండా బెల్ట్ షాపుల ఏర్పాటును కొనసాగించడం ఏంటని పలువురు ప్రశ్నిస్తున్నారు. కొలికపూడి శ్రీనివాసరావు తీసుకున్న ఈ చర్యలతో నియోజ‌క‌వ‌ర్గ ప్ర‌జ‌ల మధ్య ఆసక్తి చ‌ర్చ మొద‌లైంది.
