ప్రస్తుతం క్రికెట్ (Cricket) ప్రపంచంలో అత్యంత వేగవంతమైన, ఉత్కంఠభరితమైన ఫార్మాట్‌ (Format)గా గుర్తింపు పొందిన టీ20 క్రికెట్ (T20 Cricket) అభిమానులను ప్రతి బంతికి ఉత్కంఠకు గురిచేస్తుంది. ఫోర్లు (Fours), సిక్సర్ల (Sixes) వర్షం కురిపించే ఈ ఫార్మాట్‌లో నిలకడగా భారీ పరుగులు చేయడం చాలా కష్టం. కానీ కొన్ని కొద్ది మంది దిగ్గజ బ్యాట్స్‌మెన్లు మాత్రమే ఈ ఛాలెంజ్‌ను ఎదుర్కొని, టీ20 క్రికెట్‌లో తనకంటూ ప్రత్యేక స్థానం ఏర్పరచుకున్నారు.
ఇలాంటి ఆటగాళ్లలో అత్యధిక పరుగులు చేసిన టాప్-5 ప్లేయర్ల జాబితాలో భారత స్టార్ క్రికెటర్ విరాట్ కోహ్లీ (Virat Kohli) ఐదవ స్థానంలో(Fifth Position) నిలిచాడు. ఇక తొలి నాలుగు స్థానాల్లో క్రిస్ గేల్, కీరన్ పొలార్డ్, అలెక్స్ హేల్స్, షోయబ్ మాలిక్ ఉన్నారు. వారి రికార్డులు ఈ కింది విధంగా ఉన్నాయి:
- క్రిస్ గేల్ – 14,562 పరుగులు
వెస్టిండీస్ పవర్ హిట్టర్ క్రిస్ గేల్ (Chris Gayle) టీ20 ఫార్మాట్‌లో ఓ లెజెండ్. మొత్తం 14,562 పరుగులు చేసిన గేల్ ఈ ఫార్మాట్‌లో అగ్రస్థానంలో ఉన్నాడు. అతని హిట్టింగ్ సామర్థ్యం మ్యాచ్‌లను ఒంటరిగా మలుపు తిప్పే స్థాయిలో ఉంటుంది. - కీరన్ పొలార్డ్ – 13,854 పరుగులు
మరో వెస్టిండీస్ స్టార్ కీరన్ పొలార్డ్ (Pollard), తన అద్భుతమైన ఆటతీరుతో 13,854 పరుగులు చేసి రెండవ స్థానాన్ని తనగా ముద్రించుకున్నాడు. పలు ఫ్రాంచైజీల తరఫున మ్యాచులు గెలిపించే ఇన్నింగ్స్‌లు అతనికి టీ20 చరిత్రలో ప్రత్యేక స్థానం కల్పించాయి. - అలెక్స్ హేల్స్ – 13,814 పరుగులు
ఇంగ్లాండ్ కు చెందిన అలెక్స్ హేల్స్ తన దూకుడైన బ్యాటింగ్‌తో టీ20 ప్రపంచాన్ని ఆశ్చర్యపరిచాడు. 13,814 పరుగులుతో మూడో స్థానంలో ఉన్న హేల్స్ లీగ్‌ల్లో అత్యంత ప్రీతి పొందిన ఓపెనర్‌గా నిలిచాడు. - షోయబ్ మాలిక్ – 13,571 పరుగులు
పాకిస్థాన్ సీనియర్ ప్లేయర్ షోయబ్ మాలిక్ వయస్సును అతనిలోని ఆటగాడి తలపించనివ్వలేదు. 13,571 పరుగులు సాధించిన మాలిక్ ఇంకా వివిధ లీగ్‌లలో చురుకుగా పాల్గొంటూ క్రికెట్‌కు సేవలందిస్తున్నాడు. - విరాట్ కోహ్లీ – 13,543 పరుగులు
ఇటీవల టీ20 అంతర్జాతీయ క్రికెట్‌కు వీడ్కోలు పలికిన భారత బ్యాటింగ్ దిగ్గజం విరాట్ కోహ్లీ, 13,543 పరుగులతో ఐదవ స్థానంలో ఉన్నాడు. అతని నిలకడ, మేచ్యూర్డ్ ఇన్నింగ్స్‌లు టీ20లో కూడా ఎంత ప్రాధాన్యత కలిగినవో నిరూపించాయి. ఇంటర్నేషనల్‌ నుంచి రిటైర్ అయినా, మొత్తంగా అతని పరుగులు ఇంకా చాలా మంది యాక్టివ్ ప్లేయర్ల కంటే ఎక్కువగా ఉన్నాయి.
