విక్టోరియా (Victoria): కెనడా (Canada)కు చెందిన 18 ఏళ్ల స్టార్ స్విమ్మర్ (Star Swimmer) సమ్మర్ మెకింటోష్ (Summer McIntosh) అరుదైన ఘనత సాధించింది. కేవలం ఐదు రోజుల (Five Days) వ్యవధిలో మూడు ప్రపంచ రికార్డులను (Three World Records) తన ఖాతాలో వేసుకుంది. ప్రపంచ ఛాంపియన్‌షిప్‌ (World Championship)లో పాల్గొనే కెనడా జట్టు (Canada Team) ఎంపిక కోసం నిర్వహించిన సెలెక్షన్ ట్రయల్స్‌లో ఆమె ఈ అద్భుత ప్రదర్శన చేసింది.
బుధవారం జరిగిన 400 మీటర్ల వ్యక్తిగత మెడ్లీ రేసు (Medley Race)లో మెకింటోష్ (McIntosh) 4 నిమిషాల 23.65 సెకన్లలో లక్ష్యాన్ని చేరి, తన పేరిటే ఉన్న గత ప్రపంచ రికార్డును (4 నిమిషాల 24.38 సెకన్లు) బద్దలు కొట్టింది.
గత ఏడాది పారిస్ ఒలింపిక్స్‌లో మూడు స్వర్ణ పతకాలు సాధించిన మెకింటోష్, వచ్చే నెలలో సింగపూర్ వేదికగా జరగనున్న ప్రపంచ అక్వాటిక్స్ ఛాంపియన్‌షిప్‌లో సత్తా చాటేందుకు సిద్ధమవుతోంది. ఈ ట్రయల్స్‌లో భాగంగా ఆమె ఇప్పటికే 200 మీటర్ల వ్యక్తిగత మెడ్లీ మరియు 400 మీటర్ల ఫ్రీస్టైల్ విభాగాలలో రెండు ప్రపంచ రికార్డులు నెలకొల్పింది.
“పోటీకి ముందే ఏదో ప్రత్యేకంగా చేస్తానని అనుకున్నా. నా కెరీర్‌లో ఇది అత్యుత్తమ టోర్నీ. ప్రపంచ రికార్డులు నమోదయ్యేవి బద్దలవడానికే. కొలనుకు వీడ్కోలు చెప్పేంతవరకు వాటిపై నా పేరే ఉండే విధంగా చూసుకుంటా” అని మెకింటోష్ పేర్కొంది.
