బాలీవుడ్ సూపర్ స్టార్ షారుఖ్ ఖాన్ (Shah Rukh Khan) కుమార్తె (Daughter) సుహానా ఖాన్ (Suhana Khan) తన మొదటి సినిమా ‘కింగ్’ (‘King’) కోసం సిద్ధమవుతున్న తరుణంలో, భూమి కొనుగోలు వివాదంలో చిక్కుకున్నారు. మహారాష్ట్ర (Maharashtra)లోని అలీబాగ్లో (Alibaug) గల థాల్ (Thal) గ్రామంలో 12.91 కోట్ల రూపాయల విలువైన భూమిని (Land) ఆమె కొనుగోలు చేశారు. అయితే, ఈ భూమిని వ్యవసాయ ప్రయోజనాల కోసం రైతులకు కేటాయించారని, సరైన అనుమతులు లేకుండా ఈ భూమిని కొనుగోలు చేయడం చట్టవిరుద్ధమని నివేదికలు పేర్కొంటున్నాయి.
‘రైతు’గా సుహానా నమోదు
ఈ భూమి కొనుగోలు సమయంలో, సుహానా ఖాన్ తనను “రైతు” (Farmer)గా పేర్కొంటూ పత్రాలు సమర్పించారు. దీనికి గాను ఆమె 77.46 లక్షల రూపాయల స్టాంప్ డ్యూటీ చెల్లించారు. ఈ వ్యవహారమే ఇప్పుడు పెద్ద వివాదానికి దారితీసింది. ఈ ఆస్తి ‘దేజా వు ఫార్మ్ ప్రైవేట్ లిమిటెడ్’ పేరిట నమోదైంది. ఈ కంపెనీని సుహానా తల్లి గౌరీ ఖాన్ నిర్వహిస్తున్నారు.
అలీబాగ్ అధికారులు ఈ వివాదంపై దర్యాప్తు ప్రారంభించారు. తహసీల్దార్‌కు ఈ విషయంపై నివేదిక సమర్పించాలని ఆదేశాలు జారీ అయ్యాయి. సుహానా అదే ఏడాది 10 కోట్ల రూపాయలతో మరో బీచ్‌ఫ్రంట్ ఆస్తిని కూడా కొనుగోలు చేశారు.
ఈ భూ వివాదం సుహానా ఖాన్ సినీ ప్రస్థానానికి ముందు ఆమెపై ఒత్తిడిని పెంచింది. అధికారుల దర్యాప్తు, నిర్ణయం ఈ కేసు భవిష్యత్తును నిర్దేశిస్తుంది. ప్రస్తుతం సుహానా ఖాన్ పేరు ఈ వివాదం కారణంగా వార్తల్లో కొనసాగుతోంది.
