ఛార్మింగ్ స్టార్ శర్వానంద్ (Sharwanand) హీరోగా, కొత్త దర్శకుడు అభిలాష్ కంకర (Abhilash) దర్శకత్వంలో రూపొందుతున్న చిత్రం ‘బైకర్’ (Biker) (శర్వా 36). యూవీ క్రియేషన్స్ నిర్మిస్తున్న ఈ సినిమా స్పోర్ట్స్ డ్రామా, యాక్షన్, ఎమోషనల్ ఫ్యామిలీ అంశాల కలయిక. ఈ భారీ చిత్రం డిసెంబర్ 6, 2025 న విడుదల కానుంది.
ఈ చిత్రం కోసం శర్వానంద్ పూర్తిగా రూపాంతరం చెంది, మోటార్సైకిల్ రేసర్గా రగ్గడ్ బైకర్ అవతార్లో కనిపించనున్నారు. 1990లు, 2000ల కాలం నాటి నేపథ్యంలో సాగే ఈ కథ, రేసింగ్ కలలు, కుటుంబ భావోద్వేగాల చుట్టూ తిరుగుతుంది. హీరోయిన్గా మాళవిక నాయర్ నటిస్తుండగా, జిబ్రాన్ సంగీతం అందిస్తున్నారు.
షూటింగ్ చివరి దశలో ఉన్న ఈ సినిమా ఫస్ట్ లుక్, గ్లింప్స్ మంచి అంచనాలను పెంచాయి. మట్టిలో జరిగే డర్ట్ బైకింగ్ సన్నివేశాలు ప్రధాన ఆకర్షణగా నిలవనున్నాయి. “గెలవడమే ముఖ్యం కాదు, చివరి దాకా పోరాడటమే గొప్ప” అనే సందేశాన్నిచ్చే ఈ సినిమా ఓటీటీ హక్కులను నెట్ఫ్లిక్స్ భారీ ధరకు కొనుగోలు చేసినట్లు సమాచారం. అయితే, ఈ విడుదల తేదీన బాలకృష్ణ ‘అఖండ 2’ తో ‘బైకర్’ పోటీ పడే అవకాశం ఉండటం సినీ వర్గాల్లో చర్చనీయాంశంగా మారింది.
