వెంకటేశ్ హీరోగా, అనిల్ రావిపూడి దర్శకత్వంలో వచ్చిన ‘సంక్రాంతికి వస్తున్నాం’ సినిమా బాక్సాఫీస్ వద్ద దూసుకెళ్తోంది. ఈ సినిమా విడుదలైన రెండురోజుల్లోనే రూ. 77 కోట్లు (గ్రాస్) వసూలు చేయడం విశేషం. చిత్ర యూనిట్ ప్రకారం, అన్ని ప్రాంతాల్లోనూ మంచి ఆక్యుపెన్సీతో మంచి కలెక్షన్లు రాబడుతోందట.
కుటుంబ ప్రేక్షకుల కోసం పక్కా ఎంటర్టైనర్
‘సంక్రాంతికి వస్తున్నాం’ సినిమా వినోదానికి, కుటుంబ బంధాలకు పెద్ద పీట వేస్తూ రూపొందించబడింది. వెంకటేశ్ నటన, అనిల్ రావిపూడి మార్క్ హాస్యం, అద్భుతమైన పాటలు ప్రేక్షకులను థియేటర్లకు రప్పించాయని ట్రేడ్ వర్గాలు అభిప్రాయపడుతున్నాయి. సంక్రాంతి సెలవుల సమయంలో ఈ మూవీ మరింత భారీగా కలెక్షన్లు రాబట్టే అవకాశాలు ఉన్నాయని అంచనా వేస్తున్నారు.
