దళిత విద్యార్థి (Dalit Student) రోహిత్ వేముల (Rohith Vemula) ఆత్మహత్య (Suicide) ఘటనను గుర్తు చేస్తూ తెలంగాణ (Telangana) డిప్యూటీ సీఎం (Deputy CM) మల్లు భట్టి విక్రమార్క (Mallu Bhatti Vikramarka) కీలక వ్యాఖ్యలు చేశారు. 2016లో హైదరాబాద్ సెంట్రల్ యూనివర్సిటీ (Hyderabad Central University)లో జరిగిన ఈ ఘటన దేశవ్యాప్తంగా కలకలం రేపిన విషయాన్ని ఆయన ప్రస్తావించారు. ఢిల్లీ (Delhi)లో జరిగిన ఒక కార్యక్రమంలో పాల్గొన్న భట్టి రోహిత్ వేముల ఆత్మహత్యకు కారణమైన వివక్ష, అణచివేతలపై తీవ్రంగా స్పందిస్తూ, తెలంగాణలో త్వరలో ‘రోహిత్ వేముల చట్టం’ (Rohith Vemula Act) అమలు చేస్తామని ప్రకటించారు. ఈ చట్టం విద్యా సంస్థల్లో దళిత, ఆదివాసీ, ఇతర వెనుకబడిన వర్గాల విద్యార్థులపై వివక్షను అరికట్టే లక్ష్యంతో రూపొందుతుందని స్పష్టం చేశారు.
దళిత విద్యార్థులు ఎదుర్కొంటున్న మానసిక ఒత్తిడి, సామాజిక వివక్షను డిప్యూటీ సీఎం తీవ్రంగా ఖండించారు. రోహిత్ ఘటనలో ప్రమేయం ఉన్న ఏబీవీపీ (ABVP) నేత సుషీల్ కుమార్‌ (Sushil Kumar)కు ఢిల్లీలో అసిస్టెంట్ ప్రొఫెసర్ పదవి, హెచ్‌సీయూ వీసీపై ఒత్తిడి తెచ్చిన రామచందర్ రావు (Ramachander Rao)కు బీజేపీ తెలంగాణ అధ్యక్ష పదవి ఇవ్వడాన్ని ఆయన వ్య‌తిరేకించారు. “నిందితులకు పదవులు ఇవ్వడం దళితులపై అన్యాయానికి ప్రోత్సాహమిచ్చినట్లే” అని ఆయన ఆగ్రహం వ్యక్తం చేశారు. రోహిత్ కేసు పునర్విచారణ కోసం ఇప్పటికే కోర్టును ఆశ్రయించినట్లు తెలిపారు. ఈ చట్టం ద్వారా విద్యా సంస్థల్లో వివక్షను నిరోధించేందుకు కఠిన చర్యలు తీసుకుంటామని హామీ ఇచ్చారు.
తెలంగాణ ప్రభుత్వం ఈ చట్టం ద్వారా దళిత, ఆదివాసీ, ఓబీసీ విద్యార్థులకు సమాన హక్కులు, గౌరవం కల్పించే లక్ష్యాన్ని నిర్దేశించింది. భట్టి మాట్లాడుతూ, “భారత రాజ్యాంగం అందరికీ సమాన హక్కులు కల్పించింది. దళితులు, గిరిజనులపై జరిగే ఒత్తిడులు, బెదిరింపులను సహించబోము” అని స్పష్టం చేశారు. ఈ చట్టం విద్యా సంస్థల్లో ఈక్విటీ సెల్, ఈక్విటీ అధికారుల నియామకం, వివక్షకు వ్యతిరేకంగా కఠిన శిక్షలు విధించే నిబంధనలను కలిగి ఉంటుందని తెలిపారు. రోహిత్ వేముల ఆత్మహత్య దేశంలోని విద్యా వ్యవస్థలో లోతుగా పాతుకుపోయిన కుల వివక్షను బయటపెట్టిందని, ఈ చట్టం ద్వారా ఇటువంటి ఘటనలు పునరావృతం కాకుండా చూస్తామని భట్టి హామీ ఇచ్చారు.
