టీ20 వరల్డ్‌కప్ (T20 World Cup) 2024 ఫైనల్‌కు ముందు రాత్రి తీవ్ర ఒత్తిడికి లోనయ్యానని టీమిండియా (Team India) కెప్టెన్ రోహిత్ శర్మ (Rohit Sharma) వెల్లడించాడు. దక్షిణాఫ్రికా (South Africa)తో జరిగిన టైటిల్ మ్యాచ్ (Title Match)కు ముందు రాత్రి(Night) తనకు నిద్ర (Sleep) పట్టలేదని, కాళ్లు, చేతులు కూడా సరిగ్గా పనిచేయలేని స్థితిలోకి వెళ్లానని గుర్తు చేసుకున్నాడు.
ఈ నేపథ్యంలో జూన్ 29న టీమిండియా టైటిల్ గెలిచిన జ్ఞాపకాలను రోహిత్ మరోసారి మదిలోకి తెచ్చుకున్నాడు. “భారత జట్టు 2011లో వన్డే వరల్డ్‌కప్ గెలిచింది. ఆ తర్వాత మళ్లీ ప్రపంచకప్ అందుకోలేకపోయింది. ఇది పూర్తయ్యేలోగా 13 ఏళ్ల గ్యాప్ వచ్చింది. నిజంగా ఎంతోమందికి 13 ఏళ్ల కెరీర్ కూడా ఉండదు. అలాంటి వారికి వరల్డ్‌కప్ గెలవాలన్న కలే నెరవేరదు. 2007లో నేను టీ20 వరల్డ్‌కప్ గెలిచిన టీమ్‌లో ఉన్నా. కానీ 2024 ఫైనల్ వేరే లెవల్లో అనిపించింది,” అని పేర్కొన్నాడు.
“ఫైనల్ (Final)కు ముందు రోజు రాత్రి నిద్రే పట్టలేదు. ఏవేవో ఆలోచనలు వచ్చాయి. ఒత్తిడిగా అనిపించింది. ఉదయం 9 గంటలకు మైదానానికి వెళ్లాలి. కానీ నేను 7 గంటలకే లేచిపోయాను. హోటల్ రూమ్ విండో నుంచి మైదానాన్ని చూస్తూ, ‘ఇంకా రెండు గంటల్లో అక్కడ ఉంటాం.. ఆపై కొన్ని గంటల్లో చరిత్ర మారుతుంది.. ట్రోఫీ మనదవుతుందా?’ అనే ఆలోచనలు వచ్చినప్పుడు హృదయం బరువెక్కిపోయింది,” అని చెప్పాడు.
మిల్లర్ షాట్ – సూర్య క్యాచ్
“ఫైనల్ చివరి ఓవర్‌లో మిల్లర్ (Miller) కొట్టిన బాల్‌ను చూసిన క్షణం… అది కచ్చితంగా సిక్స్ అవుతుందనిపించింది. కానీ సూర్యకుమార్ యాదవ్ (Suryakumar Yadav) నిఖార్సైన అద్భుతంతో బౌండరీ లైన్ వద్ద అద్భుత క్యాచ్ పట్టాడు. ఆ క్షణమే మ్యాచ్ ఫలితం భారత్‌కు మొగ్గింది. అయినా ఫీల్డ్ అంపైర్లు క్యాచ్‌ను థర్డ్ అంపైర్‌కు పంపారు. మొత్తం టీమ్ టెన్షన్‌లో ఉండిపోయింది. ‘సూర్యా, అది క్యాచ్ కదా?’ అని అడిగాను. ‘సార్, బాగా పట్టానూ’ అన్నాడు. రీప్లేలో చూసినప్పుడు నిజంగా అది మహత్తర క్యాచ్ అని అర్థమైంది.”
రిషభ్ పంత్ గాయం.. మాయా?
“మ్యాచ్ మధ్యలో పంత్ (Pant) గాయపడ్డాడన్న సమాచారం రావడంతో కంగారు పడ్డాను. కానీ ఆ తర్వాత తెలిసింది.. అది బ్యాటర్ల రిథమ్‌ని డిస్టర్బ్ చేయడానికే అలా చేశాడని. అతని తలంపు పనిచేసింది. ఫలితం కూడా మన దక్కింది,” అంటూ రోహిత్ ఆనందంతో గుర్తు చేసుకున్నాడు.
