నితిన్, శ్రీలీల జంటగా వెంకీ కుడుముల దర్శకత్వంలో తెరకెక్కుతున్న ‘రాబిన్ హుడ్’ సినిమా ఈనెల 28న థియేట‌ర్ల‌లో విడుదల కానుంది. సినిమా ప్రమోషన్ కార్యక్రమాల్లో భాగంగా, చిత్రబృందం ఇటీవల ఆంధ్రప్రదేశ్‌లోని రాజమండ్రిలో సందడి చేసింది.
‘రాబిన్‌హుడ్’ టీమ్ రాజమండ్రి లోని పలు కాలేజీలను సందర్శించి, విద్యార్థులతో ముచ్చటించింది. సినిమా గురించి వారికి వివరించడంతో పాటు, తమ అనుభవాలను కూడా షేర్ చేసుకుంది. అనంతరం మీడియాతో మాట్లాడిన చిత్రబృందం, “ఈ కథ ప్రేక్షకులకు బాగా నచ్చుతుందని మేము గట్టిగా నమ్ముతున్నాం. ఇది తప్పకుండా ఒక పెద్ద హిట్ అవుతుంది” అని విశ్వాసాన్ని వ్యక్తం చేసింది. సినిమాపై ఇప్పటికే భారీ అంచనాలు ఉండగా, ప్రమోషన్లతో మరింత క్రేజ్ పెరుగుతోంది.
