టీమ్ ఇండియా యువ క్రికెటర్ (Cricketer) రింకూ సింగ్ (Rinku Singh), సమాజవాదీ పార్టీ (Samajwadi Party) ఎంపీ(MP) ప్రియా సరోజ్ (Priya Saroj)ల వివాహం (Marriage) వాయిదా (Postponed) పడినట్లు సమాచారం. మొదట ఈ జంట 2024 నవంబర్ 19న వారణాసి (Varanasi)లోని తాజ్ హోటల్‌ (Taj Hotel)లో వివాహం చేసుకోవాలని నిర్ణయించగా, రింకూ సింగ్ బిజీ క్రికెట్ షెడ్యూల్ కారణంగా ఈ తేదీని 2026 ఫిబ్రవరి చివరి వారానికి వాయిదా వేసిన‌ట్లుగా తెలుస్తోంది. ఈ విషయం నెట్టింట చర్చనీయాంశంగా మారింది, అభిమానులు ఈ నిర్ణయంపై మిశ్రమ స్పందనలు వ్యక్తం చేస్తున్నారు.
రింకూ సింగ్, 27 ఏళ్ల ఈ యువ క్రికెటర్, భారత టీ20 జట్టులో కీలక ఆటగాడిగా, అలాగే ఐపీఎల్‌లో కోల్‌కతా నైట్ రైడర్స్ (కేకేఆర్) తరఫున అద్భుత ప్రదర్శనతో పేరు తెచ్చుకున్నారు. ఇటీవల జూన్ 8న లక్నోలోని సెంట్రమ్ హోటల్‌లో జరిగిన ఘనమైన నిశ్చితార్థ వేడుకలో రింకూ, 26 ఏళ్ల ప్రియా సరోజ్‌తో రింగ్ ఎక్స్చేంజ్ చేసుకున్నారు. ఈ వేడుకకు సమాజవాదీ పార్టీ అధ్యక్షుడు అఖిలేష్ యాదవ్, ఎంపీ డింపుల్ యాదవ్, సీనియర్ రాజకీయ నాయకులు రాజీవ్ శుక్లా, జయా బచ్చన్, షివ్‌పాల్ యాదవ్, క్రికెటర్ భువనేశ్వర్ కుమార్ వంటి ప్రముఖులు హాజరయ్యారు. ఈ జంట 2023లో పరిచయం ఏర్పడిన తర్వాత సన్నిహితంగా మారారని, కుటుంబాల ఆమోదంతో వివాహానికి సిద్ధమయ్యారని ప్రియా తండ్రి తుఫానీ సరోజ్ తెలిపారు.
అయితే, భారత క్రికెట్ బోర్డు (బీసీసీఐ)(BCCI) ప్రకటించిన షెడ్యూల్ ప్రకారం, రింకూ సింగ్ నవంబర్ 14 నుంచి డిసెంబర్ 19 వరకు దక్షిణాఫ్రికా పర్యటనలో బిజీగా ఉంటారు. ఈ టూర్‌లో రెండు టెస్టులు, మూడు వన్డేలు, ఐదు టీ20 మ్యాచ్‌లు జరగనున్నాయి. ఈ బిజీ షెడ్యూల్ కారణంగా, రింకూ తన వివాహానికి సమయం కేటాయించలేని పరిస్థితి. దీంతో, రెండు కుటుంబాలు కలిసి చర్చించి, వివాహాన్ని 2025 ఫిబ్రవరి చివరి వారానికి వాయిదా వేయాలని నిర్ణయించాయ‌ని తెలుస్తోంది. పెళ్లికి సంబంధించిన కొత్త తేదీ ఇంకా అధికారికంగా ప్రకటించలేదని, త్వరలో ఖరారు చేస్తామని కుటుంబ సభ్యులు తెలిపారు.
