బెంగళూరు అంతర్జాతీయ విమానాశ్రయంలో బంగారం స్మగ్లింగ్ చేస్తూ పట్టుబడ్డ కన్నడ నటి రన్యారావు పేరు ఇప్పుడు దేశవ్యాప్తంగా చర్చనీయాంశంగా మారింది. డైరెక్టరేట్ ఆఫ్ రెవెన్యూ ఇంటెలిజెన్స్ (DRI) అధికారులు ఆమెను అదుపులోకి తీసుకున్నారు. విచారణలో భాగంగా రూ. 12 కోట్ల విలువైన 14.8 కిలోల బంగారాన్ని స్వాధీనం చేసుకున్నారు.
థర్డ్ డిగ్రీ ప్రయోగమా?
ఈ కేసు మరింత మలుపు తిరిగింది, రన్యారావు శరీరంపై గాయాల ఫొటో వైరల్ కావడంతో. కంటి కింద గాయాలైన ఫొటో సోషల్ మీడియాలో చక్కర్లు కొడుతోంది. దీనిపై మహిళా సంఘాలు తీవ్ర ఆగ్రహం వ్యక్తం చేస్తున్నాయి. కర్ణాటక మహిళా కమిషన్ చైర్‌పర్సన్ నాగలక్ష్మి చౌదరి ఈ విషయంలో రన్యారావుకు న్యాయం చేయాలని డిమాండ్ చేశారు.
అంతర్జాతీయ నెట్‌వ‌ర్క్?
DRI దర్యాప్తులో రన్యారావు దుబాయ్ నుంచి అనేకసార్లు బంగారం తరలించినట్లు వెల్లడైంది. జనవరి నుంచి మార్చి 3 వరకు 27 సార్లు దుబాయ్‌కు ప్రయాణం చేసినట్లు సమాచారం. ఆమె ఇంటి సోదాల్లో కూడా కోట్ల విలువైన బంగారం లభించింది. అంతేకాకుండా, యూరప్, సౌదీ అరేబియా, అమెరికా, పశ్చిమాసియా దేశాల నుంచి స్మగ్లింగ్‌కు సంబంధించిన ఆధారాలు లభించాయి.
రన్యారావు గాయాలపై పెరుగుతున్న అనుమానాలు
రన్యారావు శరీరంపై గాయాలు ఎలా వచ్చాయి? అధికారులే నిజం ఒప్పించడానికి థర్డ్ డిగ్రీ ప్రయోగించారా? లేక ఆమెపై ఎవరైనా భౌతిక దాడి చేశారా? అనే ప్రశ్నలు ప్రస్తుతం వైర‌ల్‌గా మారాయి. ఈ కేసులో మరిన్ని వివరాలు వెలుగులోకి రావాల్సి ఉంది.
