‘గ్లోబల్ స్టార్’ రామ్ చరణ్ (Ram Charan) నటిస్తున్న ప్రతిష్టాత్మక చిత్రం ‘పెద్ది’ (Peddi) నుంచి ఇటీవల విడుదలైన ‘చికిరి’ (Chikiri) పాట ఊహించని రీతిలో రికార్డులను సృష్టిస్తోంది. ఏఆర్ రెహమాన్ (A.R. Rahman) సంగీతం అందించిన ఈ పాటలో, చరణ్ బ్యాట్ పట్టుకుని వేసిన అదిరిపోయే హుక్ స్టెప్ సోషల్ మీడియాలో భారీగా వైరల్ అయింది. ఈ స్పీడ్ స్టెప్కు ఫ్యాన్స్ ఫిదా అయ్యారు. ప్రస్తుతం ఈ ‘చికిరి’ వైబ్ సోషల్ మీడియాను షేక్ చేస్తోంది, ఎక్కడ చూసినా ఈ పాట రీల్సే కనిపిస్తున్నాయి.
ఈ పాటను మోహిత్ చౌహాన్ ఆలపించగా, బాలాజీ సాహిత్యం అందించారు. ‘చికిరి’ పాట కేవలం ఇండియాలోనే కాదు, పాన్ ఇండియా స్థాయిలో తెలుగు, తమిళ్, కన్నడ, మలయాళం, హిందీ భాషల్లో అద్భుతమైన స్పందన పొందింది. అంతేకాకుండా, జపాన్, నేపాల్, వెస్ట్రన్ కంట్రీస్లోనూ ఈ సాంగ్కు సూపర్ రెస్పాన్స్ రావడంతో దీని గ్లోబల్ రీచ్ అసాధారణంగా పెరిగింది. యూట్యూబ్లో ఇప్పటికే 60 మిలియన్ల వ్యూస్ను దాటిన ఈ సాంగ్, ఇన్స్టాగ్రామ్లో 70K+ రీల్స్తో రచ్చ చేస్తోంది.
దర్శకుడు బుచ్చిబాబు సానా ఈ ‘పెద్ది’ సినిమాను ఎంతో ప్రతిష్టాత్మకంగా తెరకెక్కిస్తున్నారు. ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్గా నటిస్తుండగా, కన్నడ స్టార్ శివరాజ్ కుమార్ కీలక పాత్రలో కనిపించనున్నారు. వెంకట సతీశ్ కిలారు నిర్మిస్తున్న ఈ భారీ చిత్రాన్ని మైత్రీ మూవీ మేకర్స్, సుకుమార్ రైటింగ్స్ సమర్పిస్తున్నాయి. ‘పెద్ది’ సినిమా వచ్చే ఏడాది మార్చి 27న గ్రాండ్గా పాన్ ఇండియా లెవెల్లో విడుదల కావడానికి ప్లాన్ చేస్తున్నారు. భారీ అంచనాల మధ్య రాబోతున్న ఈ సినిమా బాక్సాఫీస్ వద్ద ఎలాంటి ప్రభంజనం సృష్టిస్తుందో చూడాలి.
