రెబల్ స్టార్ (Rebel Star) ప్రభాస్ (Prabhas) హీరోగా, మారుతి (Maruthi) దర్శకత్వంలో రూపొందుతున్న సినిమా ‘ది రాజాసాబ్’. (The Raja Saab) హార్రర్, కామెడీ, రొమాన్స్ అంశాలతో తెరకెక్కుతున్న ఈ సినిమాలో నిధి అగర్వాల్, మాళవిక మోహనన్, మరియు రిద్ధిలు హీరోయిన్లుగా నటిస్తున్నారు. బాలీవుడ్ నటుడు సంజయ్ దత్ ఇందులో విలన్‌గా కనిపించనున్నారు. ఎస్. థమన్ సంగీతం అందిస్తున్న ఈ చిత్రాన్ని పీపుల్స్ మీడియా ఫ్యాక్టరీ బ్యానర్ పై విశ్వప్రసాద్ నిర్మిస్తున్నారు. ఈ సినిమా ఫస్ట్ గ్లిమ్స్ ఇప్పటికే ప్రేక్షకులను విశేషంగా ఆకట్టుకుంది.
షూటింగ్ వివాదం ముగిసింది
ఇటీవల జరిగిన షూటింగ్స్ బంద్ కారణంగా ‘రాజాసాబ్’ చిత్రీకరణ వాయిదా పడింది. బంద్ ముగిసిన తర్వాత కూడా ‘రాజాసాబ్’ షూటింగ్ వెంటనే మొదలు కాలేదు. బంద్ సమయంలో ఫెడరేషన్, చిత్ర నిర్మాత విశ్వప్రసాద్ మధ్య నెలకొన్న వివాదం కారణంగా వర్కర్స్ ఈ సినిమాకు దూరంగా ఉన్నారు.
ఈ వివాదాన్ని పరిష్కరించుకోవడానికి ఇరు వర్గాలు ఇటీవల చర్చలు జరిపాయి. ఈ చర్చల తర్వాత సమస్య పరిష్కారం కావడంతో, ఈ రోజు ‘రాజాసాబ్’ షూటింగ్ మళ్ళీ ప్రారంభమైంది.
ప్రస్తుతం హైదరాబాద్‌లోని అజీజ్‌నగర్ పీఎంఎఫ్ స్టూడియోలో షూటింగ్ జరుగుతోంది. కేవలం 3-4 రోజుల ప్యాచ్ వర్క్ పూర్తయితే, టాకీ పార్ట్ మొత్తం పూర్తవుతుంది. ఇంకా మూడు పాటలు, ఒక ఫైట్ మాత్రమే బ్యాలెన్స్ ఉన్నాయి.
డిసెంబరు మొదటి వారంలో ఫస్ట్ కాపీని సిద్ధం చేయాలని చిత్ర బృందం ప్రణాళిక వేసుకుంది. ఈ విధంగా, ‘రాజాసాబ్’ సినిమా అనుకున్నట్లుగానే వచ్చే ఏడాది సంక్రాంతికి విడుదలయ్యే అవకాశాలు మెండుగా ఉన్నాయి.
