వీర్ బాల్ దివస్ (Veer Baal Diwas) సందర్భంగా న్యూ ఢిల్లీ (New Delhi)లోని విజ్ఞాన్ భవన్ (Vigyan Bhavan)లో ‘ప్రధాన మంత్రి రాష్ట్రీయ బాల పురస్కార్–2025’ (Prime Minister Rashtriya Bal Puraskar – 2025) ప్రదానోత్సవం ఘనంగా జరిగింది. ఈ ప్రత్యేక కార్యక్రమంలో భారత రాష్ట్రపతి ద్రౌపది ముర్ము (Droupadi Murmu) చిన్నారులకు అవార్డులను (Awards) అందజేశారు. ధైర్యసాహసాలు, కళలు, సంస్కృతి, పర్యావరణ పరిరక్షణ, ఇన్నోవేషన్స్, సైన్స్ అండ్ టెక్నాలజీ, క్రీడలు వంటి ఆరు విభాగాల్లో అసాధారణ ప్రతిభ కనబరిచిన పిల్లలకు ఈ పురస్కారాలు అందజేశారు. అవార్డు గ్రహీతలను, వారి తల్లిదండ్రులను రాష్ట్రపతి అభినందిస్తూ, వారి ప్రతిభ దేశానికి గర్వకారణమని ప్రశంసించారు.
ఈ అవార్డులు దేశవ్యాప్తంగా ఉన్న పిల్లలందరికీ స్ఫూర్తిగా నిలుస్తాయని రాష్ట్రపతి ముర్ము ఆశాభావం వ్యక్తం చేశారు. ఈ ఏడాది అవార్డు అందుకున్న వారిలో 14 ఏళ్ల వైభవ్ సూర్యవంశీ, ఆగ్రాకు చెందిన అజయ్ రాజ్, పంజాబ్కు చెందిన శవన్ సింగ్, మహారాష్ట్రకు చెందిన అర్ణవ్ అనుప్రియ మహర్షి, ఆంధ్రప్రదేశ్కు చెందిన శివాని సహా పలువురు ప్రతిభావంతమైన చిన్నారులు ఉన్నారు. వారి సాహసం, సృజనాత్మకత, విజ్ఞానం దేశ భవిష్యత్తుకు దారి చూపుతాయని కార్యక్రమంలో పాల్గొన్నవారు కొనియాడారు.
