అమెరికా 47వ అధ్యక్షుడిగా డొనాల్డ్ ట్రంప్ ప్రమాణ స్వీకారం చేసిన సందర్భంగా భారత ప్రధాని నరేంద్ర మోదీ హృదయపూర్వక శుభాకాంక్షలు తెలిపారు. ట్రంప్ నాయకత్వంలో భారత్-అమెరికా సంబంధాలు మరింత బలపడాలని, రెండు దేశాల భవిష్యత్తు మరింత వెలుగొందాలని ఆకాంక్షించారు. “మీ పదవీ కాలం విజయవంతంగా సాగాలని కోరుకుంటున్నా. ప్రపంచానికి మెరుగైన భవిష్యత్తు అందించేందుకు కలసికట్టుగా పనిచేద్దాం” అని మోదీ తన ఎక్స్ (ట్విట్టర్) ఖాతాలో పోస్ట్ చేశారు.
రష్యా అధ్యక్షుడు పుతిన్ స్పందన
డొనాల్డ్ ట్రంప్ పదవీ బాధ్యతలు చేపట్టిన నేపథ్యంలో రష్యా అధ్యక్షుడు వ్లాదిమిర్ పుతిన్ కూడా శుభాకాంక్షలు తెలిపారు. ట్రంప్తో ఉక్రెయిన్ వివాదంపై చర్చించేందుకు తాను సిద్ధంగా ఉన్నానని, ఆయన్ను కలిసేందుకు ఆసక్తిగా ఎదురుచూస్తున్నానని పేర్కొన్నారు.
భవిష్యత్ దిశలో ట్రంప్ ప్రణాళికలు
అమెరికా అధ్యక్షుడిగా ఎన్నికైన తర్వాత, డొనాల్డ్ ట్రంప్ గతంలో చేసిన ప్రకటనల ప్రకారం, యుద్ధాలను ముగించేందుకు కృషిచేస్తానని పలు సందర్భాల్లో హామీ ఇచ్చిన విషయం తెలిసిందే. ట్రంప్ నాయకత్వంలో అమెరికా రాజకీయాలు, ప్రపంచ శాంతి దిశగా ఏ మార్పులు వస్తాయో ఆసక్తిగా ఎదురుచూస్తున్నారు.
