మెగాస్టార్ చిరంజీవి (Megastar Chiranjeevi), న‌టుడు, ఏపీ డిప్యూటీ సీఎం పవన్ కల్యాణ్ (Pawan Kalyan) తల్లి (Mother) అంజనాదేవి (Anjana Devi) అస్వస్థతకు గుర‌య్యారు. ఈ విష‌యం తెలియడంతో, పవన్ క‌ళ్యాణ్ స‌చివాలయంలో జరుగుతున్న కేబినెట్ సమావేశం (Cabinet Meeting) మధ్యలోనే హైదరాబాద్ (Hyderabad)కు బయల్దేరారు. ఈ ఘటన అభిమానుల్లో, సామాజిక మాధ్యమాల్లో చర్చనీయాంశంగా మారింది.
ఆంధ్రప్రదేశ్ (Andhra Pradesh) సచివాలయం (Secretariat)లో ముఖ్యమంత్రి (CM) నారా చంద్రబాబు నాయుడు (Nara Chandrababu Naidu) అధ్యక్షతన జరుగుతున్న కేబినెట్ సమావేశానికి పవన్ కల్యాణ్ ఉదయం 10:30 గంటలకు హాజరయ్యారు. ఈ సమావేశంలో తల్లికి వందనం, మహిళలకు ఉచిత ఆర్టీసీ బస్సు సౌకర్యం వంటి కీలక అంశాలపై చర్చ జరుగుతుండగా, పవన్‌కు కుటుంబ సభ్యుల నుంచి అంజనాదేవి ఆరోగ్యం గురించి అత్యవసర ఫోన్ కాల్ వచ్చింది. వెంటనే సీఎం చంద్రబాబును సమాచారం తెలియజేసి, అనుమతి తీసుకుని ఆయన హైదరాబాద్‌కు బయల్దేరారు.
ప్రస్తుతం అంజనాదేవి ఆరోగ్య పరిస్థితిపై అధికారిక సమాచారం వెలువడలేదు. ఆమె హైదరాబాద్‌లోని ఓ ఆసుపత్రిలో చికిత్స పొందుతున్నట్లు ప్రాథమిక సమాచారం. పవన్ హుటాహుటిన బయల్దేరారు. అభిమానులు సోషల్ మీడియాలో ఆందోళన వ్యక్తం చేస్తూ, ఆమె త్వరగా కోలుకోవాలని పోస్టులు పెడుతున్నారు. పవన్ హైదరాబాద్ చేరుకున్న తర్వాత అంజనాదేవి ఆరోగ్య పరిస్థితిపై మరిన్ని వివరాలు వెల్లడయ్యే అవకాశం ఉంది. ఈ ఘటన రాష్ట్ర రాజకీయ వర్గాల్లోనూ చర్చనీయాంశంగా మారింది.
