ఆస్ట్రేలియా క్రికెట్ (Australia Cricket)లో అత్యంత కీలక ఆటగాళ్లు, ప్రపంచ విజేతలు పాట్ కమిన్స్ (Cummins) మరియు ట్రావిస్ హెడ్ (Travis Head) దేశం పట్ల తమకున్న అపారమైన నిబద్ధతను చాటుకున్నారు. తమ జాతీయ జట్టు కోసం, తమ కెరీర్నే మార్చేసే ₹58 కోట్ల (10 మిలియన్ డాలర్లు) బంపర్ ఆఫర్ను తిరస్కరించారు.
అసలేం జరిగింది?
ఓ ప్రముఖ ఐపీఎల్ ఫ్రాంచైజీ (IPL Franchise) ఈ ఇద్దరు ఆసీస్ స్టార్లకు ఏడాది పొడవునా టీ20 లీగ్లలో తమ జట్ల తరఫున ఆడేందుకు ఒక్కొక్కరికీ ₹58.2 కోట్ల చొప్పున భారీ ఒప్పందాన్ని ప్రతిపాదించింది. అయితే, ఈ భారీ మొత్తాన్ని అందుకోవాలంటే వారు తప్పనిసరిగా ఆస్ట్రేలియా క్రికెట్తో తెగదెంపులు చేసుకోవాలి అనే ఏకైక షరతు విధించింది. అంటే, వారు ఇకపై ఆస్ట్రేలియా తరఫున అంతర్జాతీయ క్రికెట్ ఆడకూడదు.
అంతర్జాతీయ క్రికెట్ కంటే రెట్టింపు ఆదాయాన్ని ఇచ్చే ఈ ఆఫర్ను కమిన్స్, హెడ్లు ఇద్దరూ బేషరతుగా తిరస్కరించారని ‘ది ఏజ్’ పత్రిక తన నివేదికలో స్పష్టం చేసింది. తాము ఆస్ట్రేలియా తరఫున ఆడటానికే కట్టుబడి ఉన్నామని వారు తేల్చి చెప్పారు.
జీతాల పోలిక
ప్రస్తుతం సన్రైజర్స్ హైదరాబాద్ తరఫున ఆడుతున్న ఈ ఇద్దరి ఆటగాళ్ల ప్రస్తుత ఆదాయం ఇలా ఉంది. క్రికెట్ ఆస్ట్రేలియా జీతం, ఐపీఎల్ ఆదాయం (₹18 కోట్లు) కలుపుకొని ఏడాదికి దాదాపు ₹35 కోట్ల వరకు సంపాదిస్తున్నారు. క్రికెట్ ఆస్ట్రేలియా, ఎస్ఆర్హెచ్ (₹14 కోట్లు) ఆదాయం కలుపుకొని ఏడాదికి ₹25-30 కోట్ల మధ్య సంపాదిస్తున్నారు. ఐపీఎల్ ఫ్రాంచైజీ ఆఫర్ చేసిన ₹58 కోట్ల ముందు వీరి ప్రస్తుత ఆదాయం చాలా తక్కువ అయినప్పటికీ, దేశం తరఫున ఆడే అవకాశమే ముఖ్యమని వారు భావించారు.
క్రికెట్ ఆస్ట్రేలియాపై ఒత్తిడి:
అంతర్జాతీయ క్రికెట్కు ఆటగాళ్లను దూరం చేసేలా వస్తున్న ఈ భారీ ప్రైవేట్ లీగ్ ఆఫర్లు, క్రికెట్ ఆస్ట్రేలియా (సీఏ)పై తీవ్ర ఒత్తిడిని పెంచుతున్నాయి. ఆటగాళ్ల జీతాలను పెంచాల్సిన అవసరం గురించి సీఏ, రాష్ట్రాల క్రికెట్ సంఘాలు మరియు ప్లేయర్ల యూనియన్లోనూ చర్చలు జరుగుతున్నట్లు సమాచారం. అయితే, దీనిపై ఎలాంటి అధికారిక ప్రకటన వెలువడలేదు.
