సుహాస్, కేర‌ళ కుట్టి మాళవిక మనోజ్ జంటగా రామ్ గోదల దర్శకత్వంలో రూపొందుతోన్న ‘ఓ భామ అయ్యో రామ’ టీజర్ విడుదలై సినీ ప్రేమికుల్లో ఆసక్తిని పెంచింది. హరీశ్ నల్ల నిర్మాణంలో తెరకెక్కుతున్న ఈ సినిమాలో అనిత హస్సానందాని, అలీ తదితరులు ముఖ్య పాత్రల్లో కనిపించనున్నారు.
టీజర్ హైలైట్
టీజర్‌లో హీరోయిన్ చెప్పిన “మన కథ ‘బొమ్మరిల్లు’ సినిమా కాదు.. ‘రక్తచరిత్ర’” అనే డైలాగ్ ప్రేక్షకులను నవ్వుల్లో ముంచెత్తుతోంది. ఈ డైలాగ్‌తో పాటు టీజర్‌లో చూపించిన వినోదం, ఉత్కంఠ సినిమాపై మంచి అంచనాలను పెంచుతోంది. ఈ చిత్రాన్ని ఎప్పుడు విడుదల చేయనున్నారో త్వరలోనే ప్రకటించనున్నారు.
