ప్రధానమంత్రి నరేంద్ర మోడీ (Narendra Modi) ప్రైవేట్ కార్యదర్శి (Private Secretary) గా నిధి తివారీ (Nidhi Tiwari) నియమితులయ్యారు. కేంద్ర ప్రభుత్వం ఈ మేరకు అధికారిక ఉత్తర్వులు జారీ చేసింది. 2022 నవంబర్ నుంచి ప్రధానమంత్రి కార్యాలయం (PMO)లో డిప్యూటీ సెక్రటరీగా పని చేస్తున్న నిధి, ఈ కీలక పదవికి ఎంపికయ్యారు.
నిధి తివారీ ఎవరు?
నిధి తివారీ 2013 సివిల్ సర్వీసెస్ (Civil Services) పరీక్షలో 96వ ర్యాంక్ సాధించారు. వారణాసి (Varanasi) కి చెందిన ఆమె, సివిల్స్ రాయడానికి ముందు అసిస్టెంట్ కమిషనర్ (కమర్షియల్ ట్యాక్స్‌)గా విధులు నిర్వహించారు. ఉద్యోగం చేస్తూనే పరీక్షకు సిద్ధమై, అగ్రస్థానాన్ని దక్కించుకున్నారు. అంతర్జాతీయ భద్రతా వ్యవహారాల విభాగంలో అండర్ సెక్రటరీగా సేవలందించిన అనుభవం కూడా ఈమెకు ఉంది.
ప్రస్తుతం మోడీకి ఉన్న ప్రైవేట్ కార్యదర్శుల్లో వివేక్ కుమార్ (Vivek Kumar), హార్దిక్ సతీశ్చంద్ర షా (Hardik Satishchandra Shah) వెంటనే, నిధి తివారీ మూడో వ్యక్తిగా బాధ్యతలు చేపట్టనున్నారు. ఈ నియామకంతో ఆమె ప్రధానమంత్రి కార్యాలయంలో మరింత కీలక పాత్ర పోషించనున్నారు.
