రోడ్డుపై ప్రయాణిస్తున్న కారులో ఒక్కసారిగా మంటలు చెల‌రేగి తెలంగాణ (Telangana)కు చెందిన ఓ టీచర్ (Teacher) దుర్మ‌ర‌ణం చెందిన సంఘ‌ట‌న మహారాష్ట్రలో చోటుచేసుకుంది. నల్లగొండ (Nalgonda)కు చెందిన ఉపాధ్యాయుడు తన కుటుంబంతో కలిసి మహారాష్ట్ర (Maharashtra)లోని ప్రసిద్ధ పుణ్యక్షేత్రం షిర్డీ (Shirdi) దర్శించుకుని తిరిగి వస్తుండగా ఈ ప్రమాదం జరిగింది. మహారాష్ట్ర (Maharashtra)లోని ఉమ్నాబాద్ (Umanabad) జిల్లాలో ప్రయాణిస్తున్న కారు ఒక్కసారిగా మంటలు అంటుకున్నాయి. అందులో ప్రయాణిస్తున్న నల్లగొండ (Nalgonda) జిల్లాకు చెందిన ప్రభుత్వ ఉపాధ్యాయుడు సురేష్ (Suresh) సజీవ ద‌హ‌న‌మ‌య్యాడు.
కారులో చిక్కుకుని
సురేష్ (Suresh) కారు (Car)లో నుంచి బయటపడలేకపోవడంతో ఆయన సజీవంగా దహనమయ్యారు. అయితే కారు లో ఉన్న మరొ ముగ్గురు మాత్రం బయటకు రావడంతో ప్రాణాలతో బయటపడ్డారు. ప్రమాదానికి గల కారణాలు ఇంకా తెలియరాలేదు. షార్ట్ సర్క్యూట్ లేదా ఎంజిన్ లోపం కారణమై ఉండవచ్చన్న అనుమానాలు వ్యక్తమవుతున్నాయి.
ఈ ఘటన నల్లగొండ జిల్లాలో తీవ్ర విషాదాన్ని నింపింది. మృతుడైన సురేష్ ప్రభుత్వ పాఠశాలలో పని చేస్తుండగా, సేవా వృత్తిలో ఉన్న ఆయన మృతి పట్ల ఉపాధ్యాయ సంఘాలు తీవ్ర దిగ్బ్రాంతి వ్యక్తం చేస్తున్నాయి. ఇలాంటి ప్రమాదాలు మరల మరల జరగకుండా ఉండేందుకు కఠిన భద్రతా చర్యలు తీసుకోవాలని ప్రజలు ప్రభుత్వాన్ని డిమాండ్ చేస్తున్నారు.
