మయన్మార్‌ (Myanmar) లో భూకంపం మృత్యు తాండవం సృష్టించింది. శుక్రవారం (నిన్న) సగైంగ్ (Sagaing) ప్రాంతంలో 7.7 తీవ్రతతో భూకంపం సంభవించింది. భూకంప కేంద్రం మాండలే (Mandalay) నగరానికి సమీపంలో ఉండటంతో తీవ్రత ఎక్కువగా కనిపించింది. తీవ్ర ప్రకంపనల కారణంగా బహుళ అంతస్తుల భవనాలు (Multi-Storey Buildings) కూలిపోయాయి. రోడ్లు (Roads) పూర్తిగా దెబ్బతిన్నాయి. మౌలిక సదుపాయాలు దారుణంగా దెబ్బతిన్నాయి. చారిత్రక నిర్మాణాలు, బౌద్ధ మఠాలు (Buddhist Monasteries) కూడా ధ్వంస‌మ‌య్యాయి.
పెరుగుతున్న మృతుల సంఖ్య
మొద‌ట 180 మంది మృతి చెందినట్లు ప్రకటించిన అధికారులు, తాజా సమాచారం ప్రకారం ఈ సంఖ్య 694కు పెరిగింది. ఇంకా 1600 మందికి పైగా గాయపడ్డారు. పెద్ద భవనాలు కూలిపోవడంతో వందలాది మంది శిథిలాల కింద చిక్కుకున్నారని తెలుస్తోంది. సహాయక చర్యలు కొనసాగుతున్నాయి.
థాయ్‌లాండ్‌ను కూడా వణికించిన ప్రకంపనలు
భూకంప ప్రభావం మయన్మార్‌కు పక్కనే ఉన్న థాయ్‌లాండ్‌ (Thailand) ను కూడా కుదిపేసింది. అక్కడ కూడా భవనాలు కూలిపోవడంతో 10 మంది మృతి, 100 మందికి పైగా గల్లంతయ్యారు. ప్ర‌భుత్వ అధికారులు, సహాయక బృందాలు శిథిలాల కింద చిక్కుకున్నవారిని కాపాడేందుకు తీవ్రంగా శ్రమిస్తున్నారు. భూకంపం (Earthquake) ప్రభావిత ప్రాంతాల్లో మరోసారి ప్రకంపనలు సంభవించే అవకాశం ఉందని వాతావరణ శాఖ హెచ్చరించింది.
