కోలీవుడ్ మాస్టర్ డైరెక్టర్ మణిరత్నం (Mani Ratnam) మరోసారి ప్రేక్షకులను మెప్పించడానికి సిద్ధమయ్యారు. ‘పొన్నియిన్ సెల్వన్’ వంటి బ్లాక్ బస్టర్ తో బాక్సాఫీస్ను హిట్ చేసిన ఆయనకు, ‘థగ్ లైఫ్’ ఫలితం కొంత నిరాశను ఇచ్చింది. కానీ ఇప్పుడు ఒక ఫీల్‑గుడ్ రొమాంటిక్ డ్రామాతో ఆయన తిరిగి తన మార్క్ చూపనున్నారు. ఈ ప్రాజెక్ట్ కాస్టింగ్ కూడా ఇప్పుడు కోలీవుడ్లో హాట్ టాపిక్గా మారింది. కథ మొదట శింబు కోసం సిద్ధం అయినప్పటికీ, కొన్ని కారణాల వల్ల అది కుదరలేదు. ఆ తర్వాత ధనుష్ (Dhanush) వద్ద తీసుకెళ్ళినా, రెమ్యునరేషన్ విషయంలో ఏకాభిప్రాయం కుదరకపోవడం వల్ల ప్రాజెక్ట్ నుండి తప్పుకున్నారు.
ధనుష్ స్థానంలో మక్కల్ సెల్వన్ విజయ్ సేతుపతి (Makkal Selvan Vijay Sethupathi) ఈ సినిమాలో చేరారు. ఆయనకు కథ నచ్చడంతో తక్షణమే ఓకే చెప్పారు. హీరోయిన్ గా సాయి పల్లవి నటించనుండటంతో, ఈ సినిమా అభిమానులకు కొత్త అంచనాలను కలిగిస్తోంది. మణిరత్నం దర్శకత్వంలో, ఆస్కార్ విజేత ఏఆర్ రెహమాన్ సంగీతాన్ని అందిస్తున్నారు. లైకా ప్రొడక్షన్స్ ప్రతిష్టాత్మకంగా నిర్మిస్తున్న ఈ చిత్రం, ‘థగ్ లైఫ్’ చేదు జ్ఞాపకాలను చెరిపి, మణిరత్నం మార్క్ ఎమోషన్స్ మరియు విజువల్స్ తో ప్రేక్షకులను గట్టిగా ఆకట్టబోతుందని అభిమానులు భావిస్తున్నారు. షూటింగ్ త్వరలోనే ప్రారంభం కానుంది.
