తెలంగాణలో బెట్టింగ్ యాప్‌ల ప్రచారంపై తీవ్ర విమర్శలు వెల్లువెత్తుతున్నాయి. పలువురు సోషల్ మీడియా ఇన్‌ఫ్లూయెన్సర్లు, టీవీ నటులపై కేసులు నమోదవుతున్న నేపథ్యంలో, తాజాగా మంచు లక్ష్మి పేరు కూడా ఈ వివాదంలో చేరింది.
మంచు లక్ష్మిపై నెటిజన్ల ఆరోపణలు
ఆర్టీసీ ఎండీ సజ్జనార్, బెట్టింగ్ యాప్‌లను ప్రమోట్ చేస్తున్న సెలబ్రిటీలపై ఆగ్రహం వ్యక్తం చేశారు. ఇప్పటికే హైదరాబాద్‌లో పలువురిపై కేసులు నమోదయ్యాయి. ఇదే క్రమంలో, నటి మంచు లక్ష్మి కూడా ఓ బెట్టింగ్ యాప్‌ను ప్రమోట్ చేసిందని ఓ నెటిజన్ ఆరోపించారు. ఈ మేరకు ఆమెపై కూడా కేసు నమోదు చేయాలని డిమాండ్ చేస్తున్నారు.
ఈ ఆరోపణలపై మంచు లక్ష్మి ఇంకా స్పందించలేదు. అయితే, ఆమె ప్రమోట్ చేసిన వీడియో సోషల్ మీడియాలో వైరల్ అవుతుండటంతో కేసు నమోదయ్యే అవకాశముందని చర్చ సాగుతోంది.
