మెగాస్టార్ చిరంజీవి (Megastar Chiranjeevi) పుట్టినరోజు సందర్భంగా అభిమానులకు అదిరిపోయే గిఫ్ట్ అందింది. స్టార్ డైరెక్టర్ అనిల్ రావిపూడి (Anil Ravipudi) దర్శకత్వంలో రాబోతున్న చిరంజీవి 158వ సినిమా టైటిల్ (Title)ను మేకర్స్ ప్రకటించారు. ‘మన శంకరవరప్రసాద్ గారు’ (Mana Shankaravara Prasad Garu) అనే టైటిల్‌తో విడుదలైన గ్లింప్స్ ప్రస్తుతం సోషల్ మీడియాలో వైరల్ అవుతుంది.
‘మన శంకరవరప్రసాద్ గారు’ – టైటిల్ విశేషాలు
ఈ సినిమా టైటిల్ మెగాస్టార్ అసలు పేరు కొణిదెల శివ శంకర వరప్రసాద్‌ (Konidela Shiva Shankara Varaprasad)ను గుర్తు చేస్తూ అభిమానులను ఆకట్టుకుంటోంది. ఈ సినిమా సంక్రాంతి (Sankranti Festival)కి విడుదల కానుందని సూచిస్తూ “పండగకి వస్తున్నారు” అనే ట్యాగ్‌లైన్‌ను కూడా జత చేశారు. గ్లింప్స్‌లో చిరంజీవి స్టైలిష్ లుక్, మ్యానరిజమ్స్ అభిమానులను అలరిస్తున్నాయి. ఈ సినిమాతో చిరంజీవి, అనిల్ రావిపూడి కాంబినేషన్లో ఎలాంటి వినోదం ఉండబోతోందోనని ఆసక్తి నెలకొంది.
సినిమా వివరాలు
ఈ సినిమాలో మెగాస్టార్ చిరంజీవికి జోడీగా నయనతార నటిస్తున్నారు. ఈ సినిమా పూర్తిగా భార్యాభర్తల మధ్య రిలేషన్‌షిప్‌పై ఆధారపడి ఉంటుందని, ఇది 70 శాతం కామెడీ, 30 శాతం ఎమోషనల్ డ్రామాతో కూడిన ఫ్యామిలీ ఎంటర్‌టైనర్‌ అని దర్శకుడు అనిల్ రావిపూడి గతంలో తెలిపారు. ఇటీవలి కాలంలో ఎవరూ చూపించని కొత్త లుక్‌లో చిరంజీవిని చూపించబోతున్నామని ఆయన అన్నారు. ఈ సినిమా వచ్చే సంక్రాంతికి విడుదల కానుంది.
