నేడు ఆకాశంలో సంభ‌వించే ఓ మార్పును మిస్ అవ్వొద్దు అని శాస్త్రవేత్తలు చెబుతున్నారు. ఒక రోజు అంటే దాంట్లో 12 గంట‌ల పగలు, 12 గంట‌ల రాత్రి ఉంటుందని మ‌న‌కు తెలుసు కానీ, ఈరోజు డిసెంబ‌ర్ 21న ఓ వింత జ‌ర‌గ‌బోతోందంటే గ‌త వారం రోజులుగా వార్తలు చక్కర్లు కొడుతున్నాయి. డిసెంబరు 21 లాంగెస్ట్ నైట్ ఉండ‌బోతోంద‌ని అంతర్జాతీయ మీడియా కూడా ఆసక్తికర కథనాలుగా ప్రసారం చేస్తోంది.
వింటర్ సోల్స్టీస్ అంటే ఏమిటి?
పగలు తక్కువ సమయం, రాత్రి ఎక్కువగా ఉండే పరిస్థితిని వింటర్ సోల్స్టీస్ అంటారు. ప్రతి సంవత్సరం డిసెంబరు 19 నుంచి 23 మధ్యలో వింటర్ సోల్స్టీస్ ఏర్పడుతుంది. ఈ సమయంలో భూమి సూర్యునికి 23.4 డిగ్రీల వంపులో తలవంచి ఉంటుంది. దీని వల్ల భూమి మీద చీకటి ఎక్కువగా ఉండి, పగలు సమయం తగ్గిపోతుంది.
ఉష్ణోగ్రతలలోనూ మార్పులు సంభవించి, దేశవ్యాప్తంగా కనిష్ట ఉష్ణోగ్రతలు నమోదయ్యే అవకాశం ఉంటుంది. ఈ సహజ మార్పు కారణంగానే.. ఇవాళ.. అత్యంత తక్కువగా పగలు, సుదీర్ఘమైన రాత్రి ఉంటుందని శాస్త్రవేత్తలు అంటున్నారు.
