మెగా ఫ్యామిలీకి ఆనందం కలిగించే వార్త బయటకొచ్చింది. హీరోయిన్ లావణ్య త్రిపాఠి, హీరో వరుణ్ తేజ్ దంపతులకు మ‌గ‌బిడ్డ పుట్టాడు. ఈ విషయాన్ని కుటుంబసభ్యులు, అభిమానులతో పంచుకోవడంతో సోషల్ మీడియాలో శుభాకాంక్షల వర్షం కురుస్తోంది. అభిమానులు, సినీ ప్రముఖులు ఈ జంటను ఆశీర్వదిస్తున్నారు.
2017లో వచ్చిన మిస్టర్ సినిమాతో వరుణ్ తేజ్ – లావణ్య త్రిపాఠి తొలిసారి కలిసి తెరపై కనిపించారు. అప్పుడే వీరిద్దరి మధ్య స్నేహం మొదలై, ఆ తరువాత వచ్చిన అంతరిక్షం సినిమాలోనూ జంటగా ఆకట్టుకున్నారు. ఈ పరిచయం క్రమంగా ప్రేమగా మారి చివరికి వివాహ బంధంలోకి అడుగుపెట్టింది. ఇటలీలోని అందమైన టస్కానీ వేదికగా ఘనంగా జరిగిన పెళ్లి వేడుకలో కుటుంబ సభ్యులు, సన్నిహితులు పాల్గొన్నారు.
ఇప్పుడు వీరి దాంపత్య జీవితంలో కొత్త అధ్యాయం మొదలైంది. లావణ్య త్రిపాఠి పండంటి మగ‌బిడ్డకు జ‌న్మ‌నివ్వ‌డంతో మెగా ఫ్యామిలీ అంతా సంతోషంలో మునిగిపోయింది. అభిమానులు సోషల్ మీడియా వేదికగా ఈ శుభవార్తను పంచుకుంటూ దంపతులకు శుభాకాంక్షలు తెలియజేస్తున్నారు. ఈ విష‌యంలో వరుణ్ తేజ్ దంప‌తుల నుంచి అధికారిక ప్ర‌క‌ట‌న రావాల్సి ఉంది.
