నాడు ఎన్నికల సమయంలో కాళేశ్వరం ప్రాజెక్టు (Kaleshwaram Project)పై బాంబులు వేశారని, నేడు ఇసుక మాఫియా (Sand Mafia) కోసం చెక్డ్యామ్లను (Check Dams) జెలటిన్ స్టిక్స్తో (Gelatin Sticks) పేల్చేస్తున్నారని కేటీఆర్(KTR) తీవ్ర ఆరోపణలు చేశారు. ప్రపంచ ప్రఖ్యాత వాటర్మ్యాన్ రాజేంద్ర సింగ్ (Rajendra Singh) దీనిని “మానవ నిర్మిత విధ్వంసం”గా అభివర్ణించినా, ఈ ‘చిట్టి నాయుడు’ ప్రభుత్వానికి (‘Chitti Naidu’ Government) చీమ కుట్టినట్టైనా లేదని విమర్శించారు. డ్రిల్లింగ్ మెషీన్లతో రంధ్రాలు చేసి జెలటిన్ స్టిక్స్ పెట్టి పేల్చినట్లు రాజేంద్ర సింగ్ సాక్ష్యాలతో సహా నిరూపించారని తెలిపారు. ఇసుక దోపిడీకి అడ్డుగా ఉన్నాయని కోట్లాది రూపాయల ప్రజాధనంతో నిర్మించిన చెక్డ్యామ్లను డైనమైట్లతో కూల్చడం ప్రభుత్వం చేసే పనేమా? లేక గ్యాంగ్స్టర్ల అడ్డానా? అని కేటీఆర్ ప్రశ్నించారు.
భూగర్భ జలాలు పెరగాలనే ఉద్దేశంతో చెక్డ్యామ్లు కడితే, వాటిని కూల్చి రైతుల పొలాలను ఎడారులుగా మారుస్తున్నారని ఆయన ఆగ్రహం వ్యక్తం చేశారు. ఇసుక కాంట్రాక్టర్ల లాభాల కోసం తెలంగాణ రైతాంగం బలికావాలా? అని నిలదీశారు. ప్రకృతి వైపరీత్యాల వల్లే చెక్డ్యామ్లు కూలిపోయాయని చెప్పిన కాంగ్రెస్ మంత్రులకు (Congress Ministers) రాజేంద్ర సింగ్ నివేదిక చెంపపెట్టు వంటిదని పేర్కొన్నారు. అభివృద్ధి చేయడం చేతకాక, ఉన్న ఆస్తులను కూల్చడంలోనే మీరు సిద్ధహస్తులని విమర్శించారు. తెలంగాణ ఆస్తులపై బాంబులు వేస్తున్న మాఫియా వెనుక ఉన్న అసలు దొంగలను బయటపెట్టాలని, రాజేంద్ర సింగ్ డిమాండ్ చేసినట్లుగా పీపుల్స్ ఎంక్వైరీ కమిషన్ (People’s Enquiry Commission) ఏర్పాటు చేయాల్సిందేనని కేటీఆర్ డిమాండ్ చేశారు.
