ఫార్ములా ఈ రేసింగ్ (Formula E Racing) కేసు (Case)లో భారత రాష్ట్ర సమితి (బీఆర్ఎస్) (BRS) వర్కింగ్ ప్రెసిడెంట్ (Working President), మాజీ మంత్రి (Former Minister) కేటీఆర్ (KTR)కు తెలంగాణ ఏసీబీ (Telangana ACB) మ‌రోసారి నోటీసులు (Notices) జారీ (Issued) చేసింది. ఈ కేసులో రెండోసారి విచారణకు హాజరు కావాలని ఆదేశించింది. సోమవారం ఉదయం 10 గంటలకు ఏసీబీ కార్యాలయంలో (ACB Office) విచారణకు హాజరుకావాలని నోటీసుల్లో స్ప‌ష్టం చేసింది. 2023 ఫిబ్రవరిలో హైదరాబాద్ (Hyderabad)లో నిర్వహించిన ఫార్ములా ఈ రేస్‌లో ఆర్థిక అక్రమాలు జరిగాయన్న ఆరోపణలపై ఏసీబీ దర్యాప్తు చేస్తోంది.
ఈ కేసులో కేటీఆర్‌తో పాటు మాజీ మున్సిపల్ అడ్మినిస్ట్రేషన్ సెక్రటరీ (Former Municipal Administration Secretary) అరవింద్ కుమార్ (Arvind Kumar), హైదరాబాద్ మెట్రోపాలిటన్ డెవలప్‌మెంట్ అథారిటీ (హెచ్‌ఎండీఏ) (HMDA) మాజీ చీఫ్ ఇంజనీర్ బీఎల్‌ఎన్ రెడ్డి (BLN Reddy)లపై ఏసీబీ 2024 డిసెంబర్ 19న ఎఫ్‌ఐఆర్ నమోదు చేసింది. హెచ్‌ఎండీఏ నిధుల నుంచి యూకేకు చెందిన ఫార్ములా ఈ ఆర్గనైజర్స్ (ఎఫ్‌ఓఈ)కు రూ. 55 కోట్లు అనధికారికంగా బదిలీ చేయడం, రిజర్వ్ బ్యాంక్ ఆఫ్ ఇండియా (ఆర్‌బీఐ) నిబంధనలు ఉల్లంఘించడం వంటి ఆరోపణలు వీరిపై ఉన్నాయి. ఈ లావాదేవీలకు ప్రభుత్వం, ఆర్థిక శాఖ అనుమతులు తీసుకోలేదని, కేటీఆర్ ఆదేశాల మేరకే ఈ చెల్లింపులు జరిగాయని ఏసీబీ ఫిర్యాదులో పేర్కొంది. గతంలో జనవరి 9న కేటీఆర్ ఏసీబీ విచారణకు హాజరైనప్పటికీ, తన లాయర్‌ను అనుమతించలేదన్న కారణంతో విచారణలో పాల్గొనకుండా వెళ్లిపోయారు.
కేటీఆర్ ఈ కేసును రాజకీయ కక్షతో కూడిన హింసాత్మక చర్యగా అభివర్ణిస్తూ, తాను చట్టబద్ధంగా సహకరిస్తానని గతంలో పేర్కొన్నారు. గతంలో మే 28న కూడా ఏసీబీ నోటీసులు జారీ చేయగా, విదేశీ పర్యటన కారణంగా విచారణకు హాజరు కాలేనని, తిరిగి వచ్చిన వెంటనే సహకరిస్తానని లిఖితపూర్వకంగా తెలిపారు. ఈ కేసులో ఎన్‌ఫోర్స్‌మెంట్ డైరెక్టరేట్ (ఈడీ)(ED) కూడా మనీలాండరింగ్ (Money Laundering), ఫారిన్ ఎక్స్ఛేంజ్ మేనేజ్‌మెంట్ యాక్ట్ (ఫెమా)(FEMA)(Foreign Exchange Management Act) ఉల్లంఘనలపై దర్యాప్తు చేస్తూ, కేటీఆర్‌తో పాటు అరవింద్ కుమార్, బీఎల్‌ఎన్ రెడ్డిలకు నోటీసులు జారీ చేసింది. తెలంగాణ హైకోర్టులో కేటీఆర్ దాఖలు చేసిన క్వాష్ పిటిషన్‌పై తీర్పు రిజర్వ్‌లో ఉండగా, అరెస్టు నుంచి తాత్కాలిక రక్షణ కొనసాగుతోంది. కేటీఆర్‌కు మ‌రోసారి నోటీసులు ఇవ్వ‌డం రాష్ట్ర వ్యాప్తంగా చ‌ర్చ‌నీయాంశంగా మారింది.
