కేరళ తీరాన్ని తాకిన కార్గో నౌకలో (Cargo Ship) ఉద్రిక్తత కొనసాగుతోంది. సింగపూర్‌ నుంచి వచ్చిన ఈ కంటైనర్ షిప్‌ (Container Ship)లో మంగళవారం రెండో రోజు కూడా భారీ మంటలు, పేలుళ్లు నమోదయ్యాయి. ఈ ఘటనపై సమాచారం అందుకున్న రెస్క్యూ బృందాలు (Rescue Teams) నౌక వద్దకు చేరుకుని మంటలను అదుపు చేయడానికి నాలుగు రెస్క్యూ బోట్ల (Rescue Boats)తో తీవ్రంగా శ్రమిస్తున్నాయి. అయితే షిప్‌లో నిల్వ ఉంచిన ప్రమాదకర కెమికల్స్ కారణంగా వరుసగా పేలుళ్లు సంభవిస్తున్నాయి. ఇది మంటలను అదుపులోకి తేనిదిగా మారుతోంది.
మిడ్‌షిప్ ప్రాంతం నుంచే మంటల వ్యాప్తి
భారత కోస్ట్ గార్డ్ (Indian Coast Guard) తాజా సమాచారం ప్రకారం, మంటలు మధ్య నౌక ప్రాంతం వసతి బ్లాక్ ముందు ఉన్న కంటైనర్ బే (Container Bay) నుంచే మొదలయ్యాయని వెల్లడించారు. ప్రమాదాన్ని సమీప నౌకలు సముద్ర ప్రహరి (Samudra Prahari), సాచెట్ (Sachet) ద్వారా పర్యవేక్షిస్తూ, అగ్నిమాపక చర్యలు చేపట్టారు. ఈ ఘోర ప్రమాదానికి సంబంధించిన వీడియోలు ఇప్పుడు సోషల్ మీడియాలో వైరల్‌గా మారాయి. దట్టమైన పొగ నౌకను చుట్టుముట్టిన దృశ్యాలు కిలోమీటర్ల దూరం నుంచి కూడా కనిపించాయి.
ఈ ప్రమాద సమయంలో షిప్‌పై ఉన్న మొత్తం 18 మందిని కోస్ట్ గార్డ్ సిబ్బంది సురక్షితంగా బయటకు తరలించి ప్రాణాలను కాపాడారు. ప్రస్తుతం మంటలు అదుపులోకి తెచ్చే పనులు ఇంకా కొనసాగుతూనే ఉన్నాయి.
