కామారెడ్డి డిక్లరేషన్ (Kamareddy Declaration) రాజ్యాంగబద్ధంగా బీసీలకు 42 శాతం రిజర్వేషన్ల సాధన కోసం తెలంగాణ జాగృతి (Telangana Jagruthi), యునైటెడ్ ఫూలే ఫ్రంట్ (United Phule Front) ఆధ్వర్యంలో రౌండ్ టేబుల్ సమావేశం (Round Table Meeting) నిర్వ‌హించారు. మెదక్ జిల్లాలో నిర్వహించిన రౌండ్ టేబుల్ సమావేశం బీసీ సమాజంలో కొత్త చైతన్యాన్ని నింపిందని వ‌ర్త‌లు అభిప్రాయ‌ప‌డ్డారు. ఈ సమావేశంలో తెలంగాణ జాగృతి అధ్యక్షురాలు, బీఆర్ఎస్ ఎమ్మెల్సీ (BRS MLC) కల్వకుంట్ల కవిత (Kalvakuntla Kavitha) హాజరై, బీసీల హక్కుల కోసం అవిశ్రాంత పోరాటం చేస్తామని స్పష్టం చేశారు. బీసీలకు 42 శాతం రిజర్వేషన్లు సాధించే వరకు ఉద్యమం ఆగదని, ఈ వేదిక రాజకీయం కాదని, మానవ హక్కుల సాధన కోసం పనిచేస్తుందని ఆమె పేర్కొన్నారు.
కవిత మాట్లాడుతూ, కాంగ్రెస్ ప్రభుత్వం (Congress Government) కామారెడ్డి డిక్లరేషన్ (Kamareddy Declaration) హామీలను నీరుగార్చిందని, బీసీ బిల్లును కేంద్రానికి పంపి బాధ్యత నుంచి తప్పించుకుంటోందని విమర్శించారు. “విద్య, ఉద్యోగాలు, రాజకీయాల కోసం వేర్వేరు బిల్లులు తీసుకురావాలి. కాంగ్రెస్ చేపట్టిన కులగణనలో చిత్తశుద్ధి లేదు, గ్రామాల్లో పంచాయతీల వద్ద సర్వే డేటాను ప్రదర్శించాలి,” అని డిమాండ్ చేశారు. బీజేపీ ఎంపీ (BJP MP) రఘునందన్ రావు(Raghunandan Rao) బీసీ బిల్లు(BC Bill) గురించి ఒక్క రోజైనా మాట్లాడలేదని, బీసీ సమాజం ఎంపీలను ప్రశ్నించాలని ఆమె పిలుపునిచ్చారు. బీసీ మేధావులు, విద్యార్థులు, యువకులు, మహిళలు చైతన్యవంతులై పోరాడాలని, అగ్రవర్ణాల బెదిరింపులకు భయపడకుండా ముందుకు సాగాలని కోరారు.
ఈ సమావేశంలో కవిత, బీసీ బిల్లు అమలైతే ఉద్యోగాలు, రాజకీయ అవకాశాలు, నిధులు బీసీ సమాజానికి అందుతాయని, అడగకపోతే తీరని నష్టం జరుగుతుందని హెచ్చరించారు. “జూలై 17న రైల్ రోకో నిర్వహించి, కేంద్రంపై ఒత్తిడి తెస్తాం. 42 శాతం రిజర్వేషన్లు ఇవ్వకుండా కాంగ్రెస్ స్థానిక సంస్థల ఎన్నికలు నిర్వహిస్తే ఊరుకోము,” అని ఆమె హెచ్చరించారు. తెలంగాణలోని అన్ని జిల్లాల్లో బీసీ బిల్లు గురించి చర్చించాలని, పోరాటం ద్వారానే కామారెడ్డి డిక్లరేషన్‌ను అసెంబ్లీ, మండలిలో ఆమోదించినట్లు ఆమె గుర్తు చేశారు. బీసీల ఐక్యతతో పోరాడితే పదవులు వారి కాళ్ల వద్దకు వస్తాయని, ఈ ఉద్యమం విజయవంతం కావాలంటే అందరూ చైతన్యవంతులై రాజకీయ ఒత్తిడి తీసుకురావాలని ఆమె పిలుపునిచ్చారు.
